У Беларусь без візы на 30 дзён
Афіцыйны сайт Рэспублікі Беларусь
Выбары Прэзідэнта Рэспублікі Беларусь 9 жніўня 2020 года
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

19 Кст 2016

Куба ўдзячна Беларусі за падтрымку на міжнароднай арэне

19 кастрычніка, Мінск /Кар. БЕЛТА/. Куба ўдзячна Беларусі за падтрымку на міжнароднай арэне. Аб гэтым заявіў 19 кастрычніка на прэс-канферэнцыі Надзвычайны і Паўнамоцны Пасол Кубы ў Беларусі Херарда Суарэс Альварэс, перадае карэспандэнт БЕЛТА.

"Ваша рэспубліка для Кубы ёсць і будзе заставацца блізкай па духу краінай. Паміж нашымі дзяржавамі склаліся добрыя палітычныя і гандлёва-эканамічныя адносіны на ўсіх узроўнях", - адзначыў Херарда Суарэс Альварэс.

Паводле яго слоў, салідарнасць міжнароднай супольнасці з патрабаваннямі кубінскага народа спыніць палітыку блакады шмат у чым садзейнічала змяненню палітыкі ЗША да Кубы, аднаўленню дыпламатычных адносін. Разам з тым бар'еры ў гандлёва-эканамічнай сферы не зняты, законы, якія іх рэгулююць, застаюцца ў сіле.

"Куба выступае за спыненне блакады, якая з'яўляецца галоўнай перашкодай на шляху развіцця эканомікі, росту дабрабыту народа. Гэта самая несправядлівая, суровая і працяглая сістэма аднабаковых санкцый, якая калі-небудзь уводзілася супраць якой-небудзь краіны", - адзначыў пасол.

Праект рэзалюцыі "Неабходнасць спынення эканамічнай, гандлёвай і фінансавай блакады, уведзенай ЗША супраць Кубы" будзе абмяркоўвацца на Генеральнай Асамблеі ААН 26 кастрычніка. Такія дакументы Куба прадстаўляе ў асамблею ўжо на працягу 25 гадоў, апошні раз за рэзалюцыю прагаласавалі 193 краіны, а супраць - толькі ЗША і Ізраіль. У 1992 годзе ў падтрымку Кубы выказаліся толькі 52 дзяржавы

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс