Падзеі

Утвораная 1 жніўня 1927 года Народна-вызваленчая армія Кітая прайшла вялікі гістарычны шлях развіцця. "Сутыкаючыся са складанай і зменлівай сітуацыяй у сферы бяспекі, армія выконвае ўсе пастаўленыя задачы. Ідзе бесперапынны і ўсебаковы працэс рэфармавання сістэмы абароны і арміі, каб павышаць здольнасць рэагавання на розныя пагрозы бяспекі", - сказаў ваенны і ваенна-паветраны аташэ.

У маі пачала ажыццяўляцца новая ваенная стратэгія Кітая, сярод асноўных задач якой - процідзеянне розным раптоўным пагрозам, эфектыўная абарона суверэнітэту і адзінства краіны, удзел у рэгіянальным і міжнародным супрацоўніцтве ў сферы бяспекі і падтрымання міру. У ліку задач таксама ўзмацненне барацьбы з сепаратызмам і тэрарызмам, падтрымка дзяржаўнага эканамічнага і сацыяльнага будаўніцтва.

"Кітай - міралюбівая краіна і няўхільна рухаецца па шляху мірнага развіцця, што з'яўляецца праяўленнем волі народа, - падкрэсліў Шэн Юечжун. - Кітай праводзіць незалежную і самастойную мірную знешнюю палітыку, якая мае абарончы характар. Кітай выступае супраць любых форм гегеманізму і палітыкі сілы".

Паводле яго слоў, армія КНР заўсёды будзе заставацца надзейнай сілай абароны міру ва ўсім свеце. Аташэ адзначыў важнасць таго, што паміж узброенымі сіламі КНР і Беларусі існуюць традыцыйныя адносіны дружбы, якія ў апошнія гады выйшлі на новы больш якасны этап. Пашыраецца дзелавы абмен, пастаянна праходзіць абмен візітамі. Шэн Юечжун выказаў упэўненасць, што ваенна-тэхнічнае супрацоўніцтва ў перспектыве будзе яшчэ больш цесным.

У сваю чаргу начальнік Генеральнага штаба Узброеных Сіл - першы намеснік міністра абароны Беларусі Алег Белаконеў адзначыў, што супрацоўніцтва ў гэтай сферы паміж дзвюма дзяржавамі будуецца на аснове дружбы. Ён выказаў меркаванне, што Народна-вызваленчая армія Кітая - гэта сучасны, добра аснашчаны ваенны кампанент дзяржавы, які ўносіць уклад у забеспячэнне бяспекі ў рэгіёне. Алег Белаконеў сказаў, што беларуска-кітайскае ваенна-тэхнічнае супрацоўніцтва дынамічна развіваецца і мае добрыя перспектывы.