Падзеі

Краіны ЕАЭС правядуць дадатковыя кансультацыі па ініцыятыве Беларусі аб стратэгіі біябяспекі

Фота з архiва

24 лістапада, Масква /Эдуард Півавар - БЕЛТА/. Краіны Еўразійскага эканамічнага саюза правядуць дадатковыя кансультацыі па ініцыятыве Беларусі аб стратэгіі біялагічнай бяспекі ЕАЭС. Аб гэтым паведаміла сёння на брыфінгу афіцыйны прадстаўнік Еўразійскай эканамічнай камісіі Ія Малкіна, перадае карэспандэнт БЕЛТА.

Ія Малкіна нагадала, што на праведзеным 18-19 лістапада ў Ерэване пасяджэнні Еўразійскага міжурадавага савета была абмеркавана распрацоўка стратэгіі біялагічнай бяспекі ЕАЭС. "Па ініцыятыве беларускага боку кіраўнікі ўрадаў абмяняліся меркаваннямі аб мэтазгоднасці распрацоўкі ў рамках ЕАЭС стратэгіі біялагічнай бяспекі, якая адказвала б на сучасныя выклікі, - сказала афіцыйны прадстаўнік ЕЭК. - Бакі выслухалі прапановы Беларусі і ўзялі час для дадатковых кансультацый".

версія для друку

зрабіць стартавай

дабавіць у выбранае