У Беларусь без візы на 30 дзён
Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

27 Лют 2019

Кіраўнік рэгіянальнай дэлегацыі МКЧК адзначыў эфектыўнасць супрацоўніцтва з Мінюстам Беларусі

Кіраўнік рэгіянальнай дэлегацыі МКЧК адзначыў эфектыўнасць супрацоўніцтва з Мінюстам Беларусі
Фота Мінюста

27 лютага, Мінск /Кар. БЕЛТА/. Кіраўнік Рэгіянальнай дэлегацыі Міжнароднага камітэта Чырвонага Крыжа (МКЧК) у Расіі, Беларусі і Малдове Магне Барт на сустрэчы з міністрам юстыцыі Алегам Сліжэўскім адзначыў эфектыўнасць двухбаковага ўзаемадзеяння. Такая інфармацыя размешчана на сайце Мінюста, паведамляе БЕЛТА.

Бакі падвялі вынікі супрацоўніцтва Мінюста і МКЧК за апошнія гады. Кіраўнік Рэгіянальнай дэлегацыі, у прыватнасці, адзначыў, што практыка работы Камісіі па імплементацыі міжнароднага гуманітарнага права пры Савеце Міністраў Беларусі выкарыстоўваецца МКЧК пры аказанні садзейнічання аналагічным камісіям замежных дзяржаў у якасці перадавой.

У ходзе сустрэчы міністр юстыцыі і кіраўнік Рэгіянальнай дэлегацыі МКЧК дамовіліся аб сумесным правядзенні сёмага Рэгіянальнага семінара па імплементацыі міжнароднага гуманітарнага права ў Беларусі. Пры гэтым падкрэслівалася, што выбар Мінска ў якасці месца правядзення семінара грунтуецца на яго значнасці як стратэгічна важнай пляцоўкі для міждзяржаўнага дыялогу.

Таксама выказана зацікаўленасць ва ўдзеле прадстаўнікоў Міністэрства юстыцыі ў мерапрыемствах, прымеркаваных да 70-годдзя Жэнеўскіх канвенцый - ключавых дакументаў у галіне міжнароднага гуманітарнага права. Удзельнікі сустрэчы абмеркавалі асноўныя тэндэнцыі развіцця міжнародных адносін і выклікі, з якімі сутыкаюцца дзяржавы і гуманітарныя арганізацыі ў працэсе выканання норм міжнароднага гуманітарнага права.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс