Падзеі

Кіраўнік МЗС Нікарагуа наведае з афіцыйным візітам Беларусь 18-19 кастрычніка

Фота з архiва

15 кастрычніка, Мінск /Кар. БЕЛТА/. Міністр замежных спраў Нікарагуа Дэніс Раналда Манкада Каліндрэс 18-19 кастрычніка наведае з афіцыйным візітам Беларусь. Аб гэтым БЕЛТА паведамілі ў прэс-службе МЗС.

Міністр замежных спраў Беларусі Уладзімір Макей правядзе перагаворы са сваім калегам з Нікарагуа. Па выніках сустрэчы чакаецца падпісанне двухбаковых дакументаў. Затым міністры зробяць заявы для прэсы.

Гэта будзе не першая сустрэча двух дыпламатаў. Як паведамлялася, Уладзімір Макей і Дэніс Раналда Манкада Каліндрэс правялі размову 22 верасня на палях 76-й сесіі Генасамблеі ААН. Міністры абмеркавалі пытанні палітычнага і гандлёва-эканамічнага супрацоўніцтва. Дыпламаты адзначылі высокі ўзровень узаемнай падтрымкі на міжнароднай арэне.

"Асаблівая ўвага ўдзелена развіццю эканамічных сувязей паміж дзяржавамі, актывізацыі работы сумеснай беларуска-нікарагуанскай міжурадавай камісіі па гандлёва-эканамічным супрацоўніцтве і павышэнні інтэнсіўнасці кантактаў па лініі знешнепалітычных ведамстваў", - паведамляла прэс-служба МЗС Беларусі.

версія для друку

зрабіць стартавай

дабавіць у выбранае