У Беларусь без візы на 30 дзён
Афіцыйны сайт Рэспублікі Беларусь
Выбары Прэзідэнта Рэспублікі Беларусь 9 жніўня 2020 года
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

11 Жнв 2015

Кіраўнік ЕАБР 13-14 жніўня наведае Беларусь для правядзення рабочых сустрэч ва ўрадзе

11 жніўня, Мінск /Кар. БЕЛТА/. Візіт у Беларусь дэлегацыі Еўразійскага банка развіцця (ЕАБР) на чале са старшынёй праўлення Дзмітрыем Панкіным адбудзецца 13-14 жніўня. Аб гэтым БЕЛТА паведамілі ў прэс-цэнтры ЕАБР.

"У рамках візіту кіраўнік ЕАБР правядзе рабочыя сустрэчы з прадстаўнікамі ўрада Беларусі", - расказалі спецыялісты. Таксама запланавана падпісанне пагаднення банка з ААТ "БелАЗ".

Вечарам 13 жніўня запланаваны брыфінг старшыні праўлення ЕАБР па выніках візіту дэлегацыі ў Беларусь.

Як паведамлялася, рэспубліка ў першай палавіне 2015 года падала заяўку на новы крэдыт у памеры $3 млрд у Антыкрызісны фонд ЕўрАзЭС (цяпер перайменаваны ў Еўразійскі фонд стабілізацыі і развіцця (ЕФСР). - Заўвага БЕЛТА). У пачатку ліпеня Еўразійскі банк развіцця праінфармаваў, што ЕФСР рыхтуе заключэнне па заяўцы Беларусі на атрыманне крэдыту.

ЕАБР - міжнародная фінансавая арганізацыя, заснаваная Расіяй і Казахстанам у студзені 2006 года з мэтай садзейнічання развіццю рыначнай эканомікі дзяржаў-удзельніц, іх устойліваму эканамічнаму росту і пашырэнню ўзаемных гандлёва-эканамічных сувязей. Дзяржавамі - удзельніцамі банка з'яўляюцца Арменія, Беларусь, Казахстан, Кыргызстан, Расія і Таджыкістан.

Еўразійскі фонд стабілізацыі і развіцця ў памеры $8,513 млрд быў заснаваны 9 чэрвеня 2009 года ўрадамі тых жа шасці краін. Мэты фонду - садзейнічанне дзяржавам-удзельніцам у пераадоленні вынікаў глабальнага фінансавага крызісу, у забеспячэнні іх эканамічнай і фінансавай стабільнасці, падтрымцы інтэграцыйных працэсаў у рэгіёне.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс