У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

20 Снж 2016

Кіраўнікі асноўных рэлігійных канфесій Беларусі ўвайшлі ў склад праўлення Беларускага фонду міру

20 снежня, Мінск /Кар. БЕЛТА/. Кіраўнікі асноўных рэлігійных канфесій Беларусі ўвайшлі ў склад праўлення Беларускага фонду міру. Такое рашэнне прынята на пленуме фонду, перадае карэспандэнт БЕЛТА.

У склад праўлення ўвайшлі кіраўнік Беларускай праваслаўнай царквы Мітрапаліт Мінскі і Заслаўскі Павел, Мітрапаліт Мінска-Магілёўскі архібіскуп Рымска-каталіцкай царквы ў Беларусі Тадэвуш Кандрусевіч, старшыня Мусульманскага рэлігійнага аб'яднання муфтый Абу-Бекір Шабановіч, старшыня Іўдзейскага рэлігійнага аб'яднання Рыгор Хайтовіч.

Сёння неабходна выбудоўваць дыялог, і фонд міру можа быць той арганізацыяй, якая аб'яднае ўсіх кіраўнікоў канфесій, адзначыў старшыня праўлення фонду, намеснік старшыні Пастаяннай камісіі па заканадаўстве Палаты прадстаўнікоў Максім Місько.

Беларускі фонд міру імкнецца стаць эфектыўнай пляцоўкай для рэалізацыі гуманітарных і міратворчых ініцыятыў. Прыцягненне да гэтай работы лідараў вядучых рэлігійных і грамадскіх аб'яднанняў будзе садзейнічаць паспяховаму вырашэнню статутных задач арганізацыі, садзейнічаць далейшаму з'яднанню грамадства.

Як адзначылі кіраўнікі канфесій, Беларусь стаяла і будзе стаяць на пазіцыях міру, які важна берагчы і абараняць разам.

У арганізацыю ўваходзяць 15 тыс. чалавек, на 3 тыс. павялічылася колькасць членаў грамадскай арганізацыі за бягучы год.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс