Падзеі

11 Снж 2017

Краўчанка: Ва "Усходнім партнёрстве" адбываецца канструктыўная дэпалітызацыя

11 снежня, Мінск /Кар. БЕЛТА/. У ініцыятыве Еўрапейскага саюза "Усходняе партнёрства" адбываецца канструктыўная дэпалітызацыя. Такое меркаванне выказаў журналістам намеснік міністра замежных спраў Алег Краўчанка 11 снежня на форуме "Еўрапейскі саюз і "Усходняе партнёрства": падыходы да рэгіянальнага супрацоўніцтва", перадае карэспандэнт БЕЛТА.

"На мой погляд, назіраецца некаторая мадыфікацыя разумення "Усходняга партнёрства", канструктыўная дэпалітызацыя", - сказаў Алег Краўчанка.

Паводле яго слоў, краіны пачынаюць разумець, што ва "Усходнім партнёрстве" не павінна быць вельмі шмат палітычных элементаў, паколькі гэта контрпрадукцыйна для самой сутнасці пляцоўкі і рэалізацыі канкрэтных праектаў. Такі падыход да ініцыятывы ЕС быў выпрацаваны і на праведзеным 24 лістапада саміце ў Бруселі.

"Мы зацікаўлены ва "Усходнім партнёрстве", яно будзе прадаўжацца і, на наш погляд, станавіцца ўсё больш прагматычным, зразумелым для нашых людзей. Але гэта нам яшчэ трэба будзе зрабіць", - адзначыў дыпламат.

Архіў



Пн	Аўт	Сер	Чцв	Пт	Сб	Нядз

усе Падзеі

Карта сайта | Зваротная сувязь | Аб праекце