Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

11 Ліс 2020

Кожная вырабленая БелАЭС кілават-гадзіна павінна выкарыстоўвацца рацыянальна - Малашанка

Кожная вырабленая БелАЭС кілават-гадзіна павінна выкарыстоўвацца рацыянальна - Малашанка
Міхаіл Малашанка

11 лістапада, Мінск /Кар. БЕЛТА/. Кожная вырабленая БелАЭС кілават-гадзіна павінна выкарыстоўвацца рацыянальна. Такое меркаванне выказаў намеснік старшыні Дзяржстандарту - дырэктар Дэпартамента па энергаэфектыўнасці Міхаіл Малашанка на анлайн-канферэнцыі "Беларусь - энергаэфектыўная краіна" ў прэс-цэнтры БЕЛТА.

"Электраэнергія, якую мы атрымаем ад БелАЭС, мае кошт і сабекошт, і Беларусь абавязана за яе вяртаць крэдытныя рэсурсы. Адпаведна кожная кілават-гадзіна, якая будзе адпушчана ад БелАЭС, павінна быць выкарыстана рацыянальна. Кожная кілават-гадзіна, якая будзе выкарыстана ўнутры краіны, павінна прынесці прыбытак, - падкрэсліў дырэктар дэпартамента. - Разважанні, што электраэнергія БелАЭС стане для канечнага спажыўца бясплатнай і што яе можна будзе транжырыць, - няправільныя".

Міхаіл Малашанка паведаміў, што электраэнергія, якая будзе выраблена на БелАЭС, у асноўным стане выкарыстоўвацца ўнутры краіны. "Для гэтага распрацавана адпаведная праграма і прыняты пэўныя рашэнні ўрада. У тым ліку ніхто не выключае, што пры эканамічна выгаднай прапанове ад замежных партнёраў па набыцці электрычнай энергіі ад БелАЭС гэта электраэнергія пры эканамічнай мэтазгоднасці будзе пастаўляцца за межы Беларусі", - дадаў ён.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі