У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

1 Крс 2015

Косінец: Беларусь мае намер і далей развіваць усебаковае стратэгічнае партнёрства з Кітаем

31 сакавіка, Мінск /Аліна Грышкевіч - БЕЛТА/. Беларусь мае намер і далей развіваць усебаковае стратэгічнае партнёрства з Кітаем. Гэта было адзначана 31 сакавіка ў ходзе сустрэчы кіраўніка Адміністрацыі Прэзідэнта Беларусі Аляксандра Косінца з Надзвычайным і Паўнамоцным Паслом КНР у Рэспубліцы Беларусь Цуй Цымінам. Аб гэтым карэспандэнту БЕЛТА паведамілі ў Адміністрацыі Прэзідэнта Беларусі.

Аляксандр Косінец таксама падкрэсліў, што беларускі бок надае вялікае значэнне маючаму адбыцца візіту ў Рэспубліку Беларусь старшыні КНР Сі Цзіньпіна.

У ходзе сустрэчы Аляксандра Косінца з Надзвычайным і Паўнамоцным Паслом КНР у Рэспубліцы Беларусь Цуй ЦымінамКіраўнік Адміністрацыі Прэзідэнта сказаў, што развіццё адносін з Кітаем - прыярытэтны напрамак знешняй палітыкі Рэспублікі Беларусь. У падпісанай лідарамі дзяржаў 16 ліпеня 2013 года сумеснай дэкларацыі бакі замацавалі, што адносіны выйшлі на новы ўзровень - усебаковага стратэгічнага партнёрства.

На думку беларускага боку, такі фармат неабходна напаўняць максімальна аб'ёмным зместам. Кітай - адзін з найбольш важных гандлёва-эканамічных партнёраў Беларусі.

Аляксандр Косінец адзначыў, што ў ліку найбольш важных задач беларуска-кітайскага ўзаемадзеяння - падтрыманне палітычнага дыялогу на вышэйшым і высокім узроўні, актывізацыя крэдытна-інвестыцыйнага супрацоўніцтва. Ён звярнуў асаблівую ўвагу на важнасць рэалізацыі праекта па стварэнні Кітайска-беларускага індустрыяльнага парка і неабходнасць больш актыўнага прыцягнення кітайскіх інвестараў да ўдзелу ў гэтым праекце. Акрамя таго, кіраўнік Адміністрацыі Прэзідэнта сказаў аб значнасці развіцця сумесных вытворчасцей беларускай тэхнікі ў рэгіёнах Кітая, праектаў у інфармацыйна-камунікацыйнай сферы.

У сваю чаргу Цуй Цымін сказаў, што кітайскі бок таксама актыўна рыхтуецца да візіту ў Рэспубліку Беларусь старшыні КНР Сі Цзіньпіна, у ходзе якога будзе заключаны шэраг двухбаковых узаемавыгадных пагадненняў.

Дыпламат лічыць важным, што Беларусь і Кітай на ўзаемавыгаднай аснове супрацоўнічаюць у ААН і іншых міжнародных арганізацыях, аказваючы падтрымку адзін аднаму па прынцыповых пытаннях.

Пасол Кітая расказаў аб ініцыятыве старшыні КНР Сі Цзіньпіна аб стварэнні "Эканамічнага пояса Шаўковага шляху", у якім зможа прыняць удзел і Беларусь.

На сустрэчы размова ішла таксама аб нарошчванні аб'ёмаў паставак беларускай прадукцыі ў Кітай. Акрамя таго, абмяркоўвалася пытанне ўдзелу Беларусі ў Шанхайскай арганізацыі супрацоўніцтва.

 

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс