Падзеі

Консулы Беларусі і Расіі ў Алматы дамовіліся аб сінхранізацыі намаганняў у консульскай сферы

Фота kazakhstan.mfa.gov.by

27 снежня, Мінск /Кар. БЕЛТА/. Генеральны консул Рэспублікі Беларусь у Алматы Дзяніс Мялешкін сустрэўся з генеральным консулам Расійскай Федэрацыі Дзмітрыем Тураевым. Аб гэтым карэспандэнту БЕЛТА паведамілі ў беларускай загранустанове ў Казахстане.

У ходзе перагавораў бакі дэталёва абмеркавалі пытанні рэгіянальнага парадку дня, намецілі канкрэтныя крокі па ўмацаванні двухбаковага супрацоўніцтва і сінхранізацыі намаганняў у консульскай сферы.

Асаблівы акцэнт быў зроблены на сумеснай рабоце па абароне правоў і законных інтарэсаў грамадзян дзвюх краін, а таксама дынамічным развіцці гандлёва-эканамічных і гуманітарных сувязей з Казахстанам.

Праведзены дыялог фарміруе аснову для зладжанай работы дыпламатычных місій дзвюх саюзных дзяржаў у Цэнтральнай Азіі.

версія для друку

зрабіць стартавай

дабавіць у выбранае