Падзеі

29 студзеня, Мінск /Кар. БЕЛТА/. Кантактная група па Украіне праінфармавала беларускі бок аб намеры правесці чарговую сустрэчу ў Мінску 30 студзеня. Аб гэтым БЕЛТА паведамілі ў МЗС Беларусі.

"Кантактная група праінфармавала беларускі бок аб намеры правесці чарговую сустрэчу ў Мінску 30 студзеня 2015 года", - паведамілі ў МЗС.

Знешнепалітычнае ведамства распаўсюдзіла запрашэнне журналістам, зацікаўленым у асвятленні чарговай сустрэчы кантактнай групы, накіраваць адпаведную заяўку ў МЗС.

Пра час і месца правядзення сустрэчы будзе паведамлена дадаткова, адзначылі ў міністэрстве.