Падзеі

Калегіі МЗС Беларусі і Расіі правядуць 26 лістапада сумеснае пасяджэнне

Фота з архiва

25 лістапада, Мінск /Кар. БЕЛТА/. Калегіі міністэрстваў замежных спраў Беларусі і Расіі 26 лістапада правядуць у Мінску сумеснае пасяджэнне. Аб гэтым БЕЛТА паведамілі ў прэс-службе беларускага знешнепалітычнага ведамства.

Пасяджэнне пройдзе пад кіраўніцтвам міністраў замежных спраў Уладзіміра Макея і Сяргея Лаўрова.

Як раней расказалі ў Міністэрстве замежных спраў Расіі, бакі абмяркуюць выкананне Праграмы ўзгодненых дзеянняў у галіне знешняй палітыкі Саюзнай дзяржавы, уключаючы каардынацыю дзеянняў у міжнародных арганізацыях, супрацоўніцтва ў ЕАЭС, АДКБ і СНД. Дыпламаты таксама абмяняюцца думкамі наконт адносін з ЕС, магчымасці ўдзелу АДКБ у аперацыях ААН па падтрыманні міру, перспектыў фарміравання вялікага еўразійскага партнёрства праз спалучэнне інтэграцыйных працэсаў.

Па выніках пасяджэння плануецца падпісанне некалькіх сумесных дакументаў.

версія для друку

зрабіць стартавай

дабавіць у выбранае