Падзеі

Качанава сустрэлася з Прэзідэнтам Азербайджана Ільхамам Аліевым

Фота azertag.az

19 лютага, Мінск /Кар. БЕЛТА/. На палях пленарнага пасяджэння Азіяцкай парламенцкай асамблеі ў Баку адбылася сустрэча старшыні Савета Рэспублікі Нацыянальнага сходу Рэспублікі Беларусь Наталлі Качанавай з Прэзідэнтам Азербайджанскай Рэспублікі Ільхамам Аліевым, паведамляе БЕЛТА.

"Я хацела б перадаць добрыя пажаданні і прывітанне ад нашага Прэзідэнта Аляксандра Рыгоравіча Лукашэнкі. Беларускі лідар заўсёды па-добраму адзываецца пра брацкі азербайджанскі народ, пра вашу краіну і, вядома, пра вашы добрыя адносіны, называючы вас добрым сябрам, братам. Мы гэта вельмі высока цэнім", - сказала Наталля Качанава.

"Для мяне вельмі вялікі гонар сёння пазнаёміцца з вамі асабіста. Я хацела б падзякаваць нашым калегам за запрашэнне прыняць удзел у такой высокай парламенцкай асамблеі. Я ўпершыню ў вашай цудоўнай краіне", - адзначыла спікер.

Як падкрэсліў Прэзідэнт Азербайджана Ільхам Аліеў, прыемна, што дружалюбная Беларусь прадстаўлена на такім высокім узроўні і ў беларускіх парламентарыяў у час візіту была магчымасць паразмаўляць з калегамі. "Трэба часцей сустракацца", - падкрэсліў ён.

Парламенцкая дэлегацыя Рэспублікі Беларусь на чале са старшынёй Савета Рэспублікі Наталляй Качанавай наведвае Азербайджанскую Рэспубліку з афіцыйным візітам. Ключавыя мерапрыемствы афіцыйнага візіту - удзел у пасяджэнні Выканаўчага савета Азіяцкай парламенцкай асамблеі і 15-й пленарнай сесіі Азіяцкай парламенцкай асамблеі. АПА створана ў 2006 годзе для каардынацыі намаганняў нацыянальных парламентаў у вырашэнні актуальных праблем сучаснасці, у тым ліку за кошт павышэння парламенцкай ролі ў забеспячэнні міру ў Азіі. Асамблея выступае ў якасці аднаго з інструментаў міжпарламенцкага дыялогу ў рэгіёне, яе дзейнасць накіравана на выпрацоўку калектыўнай стратэгіі па забеспячэнні бяспекі і стабільнасці ў Азіі.

версія для друку

зрабіць стартавай

дабавіць у выбранае