Падзеі

Качанава прадставіць Беларусь на ХІІІ Cаміце жанчын-спікераў парламентаў у Вене

6 верасня, Мінск /Кар. БЕЛТА/. Старшыня Савета Рэспублікі Наталля Качанава прадставіць Беларусь на ХІІІ Саміце жанчын - спікераў парламентаў у Вене, паведамілі БЕЛТА ў прэс-службе верхняй палаты парламента.

Саміт пачынаецца сёння, прысвечаны ён ролі жанчын у барацьбе з пандэміяй і аднаўленні пасля яе з пазіцыі гендарнай роўнасці.

Наталля Качанава накіравала зварот да ўдзельнікаў Саміту жанчын - спікераў парламентаў. Яна адзначыла, што ў Беларусі за час барацьбы з пандэміяй набыты каштоўны вопыт, рэалізуецца комплекс санітарных і медыцынскіх мерапрыемстваў па лячэнні людзей і процідзеянні распаўсюджванню COVID-інфекцыі.

"Для забеспячэння бяспекі ўрачоў і насельніцтва арганізавана ўласная вытворчасць сродкаў індывідуальнай аховы. Адпрацавана лагістыка лячэння і назірання за больш лёгкімі пацыентамі дома. Цяжкімі - у бальніцах. Створана сістэма санаторыяў для рэабілітацыі пацыентаў. Арганізавана вытворчасць вакцыны "Спадарожнік V" на беларускіх прадпрыемствах. Актыўна вядзецца вакцынаванне нашага насельніцтва", - адзначыла старшыня Савета Рэспублікі.

версія для друку

зрабіць стартавай

дабавіць у выбранае