У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

13 Чэр 2018

Кабякоў: у Саюзнай дзяржаве павінен быць узгоднены лічбавы парадак дня

13 чэрвеня, Масква /Кар. БЕЛТА/. У Саюзнай дзяржаве павінен быць узгоднены лічбавы парадак дня. Такое меркаванне выказаў прэм'ер-міністр Беларусі Андрэй Кабякоў сёння на пасяджэнні Савета Міністраў Саюзнай дзяржавы, перадае карэспандэнт БЕЛТА.

Андрэй Кабякоў лічыць, што фарміраванне і рэалізацыя ў рамках Саюзнай дзяржавы лічбавага парадку дня павінны стаць прыярытэтным напрамкам. Урады Беларусі і Расіі ўдзяляюць вялікую ўвагу развіццю лічбавай эканомікі як аднаму з ключавых фактараў глабальнай канкурэнтаздольнасці і нацыянальнай бяспекі дзвюх краін.

"Як вы ведаеце, лічбавы парадак дня разглядаецца і ў Еўразійскім эканамічным саюзе. Уяўляецца важным правядзенне ўзгодненых дзеянняў Беларусі і Расіі па фарміраванні і рэалізацыі лічбавага парадку дня ў фармаце Саюзнай дзяржавы", - адзначыў кіраўнік беларускага ўрада. Пры гэтым узаемадзеянне бакоў на пляцоўцы СД будзе не дубліраваць, а дапаўняць работу, што праводзіцца ў ЕАЭС.

Дзяржорганы Беларусі працуюць ужо над уключэннем гэтых пытанняў, а таксама развіцця супрацоўніцтва ў сферы высокіх тэхналогій і інавацый у парадкі дня для разгляду вышэйшымі органамі Саюзнай дзяржавы.

Андрэй Кабякоў таксама прапанаваў актывізаваць фарміраванне адзінай навукова-тэхналагічнай прасторы ў СД. "Трэба забяспечыць максімальна высокую ступень інтэграцыі магчымасцей навукова-тэхнічных і інавацыйных патэнцыялаў Беларусі і Расіі. Прычым рабіць гэта трэба як на міждзяржаўным, так і на міжгаліновым узроўнях", - лічыць прэм'ер-міністр.-0-

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс