Падзеі

23 ліпеня, Мінск /Кар. БЕЛТА/. Прэм'ер-міністр Беларусі Андрэй Кабякоў прыме ўдзел у пасяджэнні Еўразійскага міжурадавага савета, якое пройдзе 27 ліпеня ў Санкт-Пецярбургу, паведамляе БЕЛТА са спасылкай на сайт урада.

Парадак дня пасяджэння ўключае 19 пунктаў. У прыватнасці, прадугледжваецца разгледзець пытанні стварэння адзінай сістэмы транзіту тавараў па мытнай тэрыторыі Еўразійскага эканамічнага саюза з выкарыстаннем тэхнічных сродкаў, залічэння і размеркавання сум увазных мытных пошлін паміж бюджэтамі дзяржаў - членаў ЕАЭС. Будзе прааналізаваны ход работы па рэалізацыі лічбавага парадку дня саюза, фарміраванні агульнага рынку газу, стварэнні органа па расследаванні авіяцыйных здарэнняў і іншыя пытанні.

Запланаваны таксама шэраг двухбаковых перагавораў.