У Беларусь без візы на 30 дзён
Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

16 Снж 2015

Кабякоў: Беларусь спакойна і ўпэўнена пераадольвае няпростую эканамічную сітуацыю

16 снежня, Мінск /Юлія Огнева - БЕЛТА/. Беларусь спакойна і ўпэўнена пераадольвае няпростую эканамічную сітуацыю. Аб гэтым заявіў 16 снежня журналістам прэм'ер-міністр Андрэй Кабякоў, перадае карэспандэнт БЕЛТА.

"Сітуацыя на знешніх рынках яшчэ больш ускладняецца, тым не менш, рэзістэнцыя беларускай эканомікі ўжо не такая, якой была ў снежні мінулага года, калі назіраліся негатыўныя тэндэнцыі на спажывецкім рынку. Знешнія працэсы падобныя, але вы бачыце, што мы спакойна, упэўнена пераадольваем гэту сітуацыю. Людзі бачаць, што наша эканамічная, грашова-крэдытная, фінансавая палітыка стала прадказальнай", - адзначыў Андрэй Кабякоў. Ён канстатаваў, што меры, якія прымаюцца, задавольваюць не ўсіх, урад чуе крытычныя заўвагі, стараецца на іх рэагаваць. "Мы робім усё магчымае ў нашай цяперашняй сітуацыі, але без насілля над эканамічным сэнсам. Гэта значыць, мы робім толькі тое, што лічым магчымым і патрэбным на гэты канкрэтны момант", - растлумачыў прэм'ер-міністр.

Андрэй Кабякоў канстатаваў, што ўрад не ў поўнай меры задаволены вынікамі работы эканомікі па выніках 11 месяцаў. "Мы імкнуліся зрабіць усё магчымае, але на знешніх і ўнутраным рынках няпростая сітуацыя. Тым не менш, не ўсё, што планавалася, у нас атрымалася. Таму нейкі элемент незадаволенасці ёсць, але гэта не сведчыць аб тым, што мы склалі рукі і страцілі зарад бадзёрасці і аптымізму, якія датычацца нашых планаў на будучыню", - падкрэсліў кіраўнік беларускага ўрада.

Кіраўнік дзяржавы Аляксандр Лукашэнка падпісаў 16 снежня ўказ нумар 488 аб назначэнні прэм'ер-міністра. У адпаведнасці з пунктам 6 артыкула 84 Канстытуцыі на гэту пасаду назначаны Андрэй Кабякоў з наступным узгадненнем яго назначэння з Палатай прадстаўнікоў Нацыянальнага сходу.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі