У Беларусь без візы на 30 дзён
Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

15 Лют 2018

Ярмошына прагаласавала датэрмінова на выбарах у Мінгарсавет

15 лютага, Мінск /Кар. БЕЛТА/. Старшыня Цэнтральнай камісіі па выбарах і правядзенні рэспубліканскіх рэферэндумаў Лідзія Ярмошына датэрмінова прагаласавала на выбарах кандыдатаў у дэпутаты Мінскага гарадскога Савета дэпутатаў 28 склікання, перадае карэспандэнт БЕЛТА.

Гаворачы аб выбранай кандыдатуры, Лідзія Ярмошына адзначыла, што ўважліва разглядала асобу кожнага. "Прагаласавала за таго, хто адзіны кінуў мне лістоўку ў паштовую скрыню. Гэта, вядома, не абавязковая ўмова, але сам факт сведчыць аб тым, што чалавек працаваў над сваёй кампаніяй", - сказала кіраўнік ЦВК. Пры гэтым яна прызналася, што вылучыць кагосьці з кандыдатаў было няпроста - усе здаваліся добрымі.

Адносна высокую яўку на датэрміновым галасаванні Лідзія Ярмошына тлумачыць стымуляваннем у гарадах з боку бюджэтных арганізацый, прадпрыемстваў, навучальных устаноў. "Размова аб закліках і рэкамендацыях па месцы работы, вучобы прыйсці на выбары і прагаласаваць. Каб у выхадныя дні выбаршчыкі былі свабодныя наогул ад усялякіх заклікаў акрамя тэлевізійных. Галоўнае, каб не было пагроз, прымушэнняў", - дадала Лідзія Ярмошына.

Маладым выбаршчыкам яна параіла як мінімум проста прыйсці на ўчасткі. "Моладзь у нас, і наогул еўрапейская моладзь, даволі абыякавая да выбараў. Таму я папрасіла б іх прыйсці на выбарчы ўчастак, выбраць таго, хто ім спадабаўся", - сказала кіраўнік ЦВК.

Мясцовыя выбары пройдуць у Беларусі 18 лютага, прагаласаваць датэрмінова можна з 13 па 17 лютага. У першы дзень адкрыліся 5 620 участкаў, у асноўны дзень выбараў, 18 лютага, іх будзе на 250 больш. Прагаласаваць датэрмінова можна да 17 лютага з 10.00 да 14.00 і з 16.00 да 19.00.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс