У Беларусь без візы на 30 дзён
Афіцыйны сайт Рэспублікі Беларусь
Улада
Каляндар падзей у Беларусі: КАСТРЫЧНІК 2020
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

14 Май 2015

Ярмошына не выключае, што ў будучым Прэзідэнтам Беларусі можа стаць жанчына

14 мая, Мінск /Васіль Малашэнкаў - БЕЛТА/. Старшыня Цэнтрвыбаркама Беларусі Лідзія Ярмошына не выключае, што ў будучым Прэзідэнтам Беларусі можа стаць жанчына. Аб гэтым яна паведаміла сёння журналістам, перадае карэспандэнт БЕЛТА.

Адказваючы на пытанне наконт яе адносін да таго, што ў маючых адбыцца прэзідэнцкіх выбарах маюць намер удзельнічаць некаторыя жанчыны, Лідзія Ярмошына адзначыла, што ставіцца да гэтага станоўча. На яе думку, гэтым прэтэндэнткам трэба абавязкова прыкласці намаганні для таго, каб атрымаць статус кандыдатаў.

Гаворачы аб некаторых новаўвядзеннях маючай адбыцца электаральнай кампаніі, Лідзія Ярмошына нагадала, што на гэты раз кандыдаты будуць выкарыстоўваць для агітацыйнай кампаніі свае фонды, памер якіх дазволілі павялічыць з 3 тыс. да 9 тыс. базавых велічынь. Прычым фарміраваць іх можна будзе ўжо з моманту стварэння ініцыятыўных груп. Гэта дасць магчымасць прэтэндэнтам у кандыдаты на прэзідэнцкую пасаду легальна расплачвацца са сваімі актывістамі.

Што датычыцца наглядальнікаў, то запрашэнні пакуль не перадаваліся, паколькі яшчэ не вызначана дата выбараў. Аднак, улічваючы абавязацельствы Беларусі перад СНД і АБСЕ, трэба чакаць на выбарах наглядальнікаў ад гэтых міжнародных арганізацый. Якіх-небудзь змяненняў у выбарчым заканадаўстве ў бліжэйшы час не прадугледжваецца, паколькі гэта будзе супярэчыць рэкамендацыям АБСЕ і Венецыянскай камісіі Савета Еўропы. Гэтыя арганізацыі рэкамендуюць, каб заканадаўства мянялася не менш як за год да выбараў.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс