У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

9 Ліс 2016

Ярашэнка: Беларуска-кітайскія адносіны з'яўляюцца ўзаемавыгаднымі

9 лістапада, Мінск /Аліна Грышкевіч - БЕЛТА/. Беларуска-кітайскія адносіны з'яўляюцца ўзаемавыгаднымі. Такі пункт гледжання выказаў намеснік міністра эканомікі Беларусі Аляксандр Ярашэнка, выступаючы 9 лістапада на адкрыцці ў Мінску другой выстаўкі "Арыгінальныя тавары Сіньцзян-Уйгурскага аўтаномнага раёна Кітая-2016", перадае карэспандэнт БЕЛТА.

Аляксандр Ярашэнка падкрэсліў важнасць таго, што апошнія гады гандлёва-эканамічнае супрацоўніцтва паміж Беларуссю і Кітаем выйшла на больш высокі ўзровень.

Намеснік міністра лічыць, што істотную дынаміку ўзаемадзеянню надаюць цесныя кантакты лідараў дзвюх дзяржаў. У многім асновай развіцця двухбаковага супрацоўніцтва з'яўляецца агульнасць прынцыпаў знешняй палітыкі і супадзенне поглядаў па міжнародным парадку дня.

"Беларусь актыўна падтрымала рэалізацыю кітайскай канцэпцыі "Адзін пояс, адзін шлях". Наша краіна прыкладзе максімальныя намаганні для таго, каб Кітай і ў далейшым з'яўляўся добрым сябрам Беларусі. Лічу сімвалічным, што Беларусь была ганаровым госцем пятай выстаўкі "Кітай-Еўразія", якая адбылася ў горадзе Урумчы Сіньцзян-Уйгурскага аўтаномнага раёна. Цяперашняя экспазіцыя ў Мінску праходзіць у мэтах развіцця дасягнутых у СУАР дамоўленасцей", - сказаў Аляксандр Ярашэнка.

У сваю чаргу намеснік старшыні Беларускай гандлёва-прамысловай палаты Вячаслаў Брыль падкрэсліў, што БелГПП надае асаблівае значэнне развіццю кантактаў з кітайскімі партнёрамі і праводзіць нямала беларуска-кітайскіх мерапрыемстваў.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс