6 кастрычніка, Мінск /Кар. БЕЛТА/. Намеснік старшыні Палаты прадстаўнікоў Віктар Гумінскі ўзначаліць беларускую парламенцкую дэлегацыю на 133-й Асамблеі Міжпарламенцкага саюза ў Жэневе (Швейцарыя). Аб гэтым паведаміў сёння старшыня Палаты прадстаўнікоў Уладзімір Андрэйчанка на сустрэчы з Надзвычайным і Паўнамоцным Паслом Алжыра ў Расіі і Беларусі (па сумяшчальніцтве) Смаілам Алаўа, перадае карэспандэнт БЕЛТА.
"Хачу праінфармаваць, што з 17 па 21 кастрычніка бягучага года ў Жэневе пройдзе сесія Міжпарламенцкага саюза. Беларускую парламенцкую дэлегацыю будзе ўзначальваць мой намеснік Віктар Гумінскі. Наша дэлегацыя гатова сустрэцца з парламентарыямі Алжыра, калі з іх боку будзе такая зацікаўленасць, і абмеркаваць перспектыўныя пытанні", - заўважыў спікер.
Уладзімір Андрэйчанка дадаў, што актывізацыя ўзаемадзеяння на ўзроўні парламентаў Беларусі і Алжыра мае важнае значэнне.