Падзеі

Горназдабыўная тэхніка і падрыхтоўка спецыялістаў. Беларусь і Бразілія намецілі крокі па актывізацыі кантактаў

Фота з архiва

28 красавіка, Мінск /Кар. БЕЛТА/. Надзвычайны і Паўнамоцны Пасол Рэспублікі Беларусь у Федэратыўнай Рэспубліцы Бразілія Андрэй Андрэеў 27 красавіка сустрэўся з дырэктарам па міжнародных адносінах бразільскай Нацыянальнай канфедэрацыі прамысловасці Фрэдэрыка Ламега. Аб гэтым карэспандэнту БЕЛТА расказалі ў беларускай загранустанове ў Бразіліі.

Кіраўнік беларускай дыпламатычнай місіі падрабязна азнаёміў бразільскі бок з прамысловым патэнцыялам прадпрыемстваў МТЗ, БЕЛАЗ і "Гомсельмаш" з акцэнтам на канкурэнтных перавагах беларускай сельскагаспадарчай і горназдабыўной тэхнікі і абсталявання на сусветным рынку, а таксама экспартнымі магчымасцямі прадпрыемстваў канцэрнаў "Белнафтахім" і "Беллегпрам".

Бакі намецілі сумесныя крокі па актывізацыі супрацоўніцтва. Асаблівая ўвага была ўдзелена прапрацоўцы ўзаемных дзелавых візітаў, вывучэнню ўзаемавыгадных напрамкаў навукова-практычнага ўзаемадзеяння, а таксама падрыхтоўцы спецыялістаў для розных галін прамысловасці.

версія для друку

зрабіць стартавай

дабавіць у выбранае