Падзеі

Гандаль, інвестыцыі. У пасольстве Беларусі ў Анкары прайшоў круглы стол з удзелам турэцкіх дзелавых колаў

Фота Пасольства Рэспублікі Беларусь у Турэцкай Рэспубліцы

16 сакавіка, Мінск /Кар. БЕЛТА/. У пасольстве Рэспублікі Беларусь у Анкары адбылася сустрэча Надзвычайнага і Паўнамоцнага Пасла нашай краіны ў Турцыі Анатоля Глаза з сустаршынёй беларуска-турэцкага савета дзелавога супрацоўніцтва Фаціхам Ышыкам. Аб гэтым карэспандэнту БЕЛТА расказалі ў беларускай дыпламатычнай місіі ў Турцыі.

Адбыўся таксама круглы стол з удзелам прадстаўнікоў дзелавых колаў, якія ўваходзяць у Савет па знешнеэканамічных сувязях пры Міністэрстве гандлю Турцыі (ДЕІК).

Бакі прадметна абмеркавалі актуальныя пытанні гандлёва-інвестыцыйнага ўзаемадзеяння, разгледзелі канкрэтныя двухбаковыя праекты, ініцыятывы і перспектыўныя кааперацыйныя магчымасці для беларускага і турэцкага бізнесу. На сустрэчы былі таксама абазначаны некаторыя праблемныя пытанні і магчымыя шляхі іх вырашэння.

Асобная ўвага ўдзелена ўзаемадзеянню ў сферах машынабудавання, сельскай гаспадаркі, лёгкай прамысловасці, біржавога гандлю, лагістыкі і турызму.

версія для друку

зрабіць стартавай

дабавіць у выбранае