Падзеі

"Галавой адкажаце". Лукашэнка аб патрабаванні з ваенных за стан узбраенняў і тэхнікі

Фота з архiва

1 красавіка, Мінск /Кар. БЕЛТА/. Прэзідэнт Беларусі Аляксандр Лукашэнка падкрэслівае наяўнасць асаблівага патрабавання з ваенных за стан узбраенняў і тэхнікі. Аб гэтым ён заявіў пры падвядзенні вынікаў комплекснай праверкі Узброеных Сіл Рэспублікі Беларусь, перадае карэспандэнт БЕЛТА.

Кіраўнік дзяржавы адзначыў, што ў ходзе праверкі асаблівая ўвага ўдзялялася пытанням стану ўзбраенняў і ваеннай тэхнікі, умовам яе ўтрымання.

"Я вас хілю да галоўнага. Што мы будзем значыць, калі ў нас не ў парадку будуць аўтамат, кулямёт, гранатамёт, пісталет. Можа, у кагосьці ПЗРК (пераносны зенітны ракетны комплекс. - Заўвага БЕЛТА). Калі ў нас не ў парадку асабістая зброя, як вы будзеце ваяваць? Але сучасная вайна - гэта не толькі кулямёты, гранатамёты, аўтаматы і пісталеты. Гэта ваша тэхніка. Вашы танкі, БМП, "Аса", іншыя ЗРК. Не гавару пра "Паланэзы". Гэта ўсё ваша тэхніка", - сказаў кіраўнік дзяржавы.

"Гэта для мяне было галоўнае. Я пастаянна міністра і дзяржсакратара як чалавека ваеннага папярэджваў: "Майце на ўвазе, галавой адкажаце за стан тэхнікі". Я не гавару пра ваеннаслужачых", - заявіў Аляксандр Лукашэнка.

версія для друку

зрабіць стартавай

дабавіць у выбранае