Падзеі

ФПБ: выпадкі несвоечасовай выплаты зарплат у Беларусі зведзены да мінімуму

Фота ФПБ

17 ліпеня, Мінск /Кар. БЕЛТА/. Выпадкаў несвоечасовай выплаты зарплат у Беларусі стала значна менш. Аб гэтым па выніках даклада кіраўніку дзяржавы Аляксандру Лукашэнку заявіў журналістам старшыня Федэрацыі прафсаюзаў Беларусі Юрый Сянько, перадае карэспандэнт БЕЛТА.

Кіраўнік ФПБ агучыў статыстыку, паводле якой яшчэ чатыры гады таму на працягу 12 месяцаў было зафіксавана амаль 900 выпадкаў несвоечасовай выплаты заработнай платы. Па выніках паловы 2025 года такіх фактаў выяўлена 99.

"Дынаміка вельмі добрая. Прытым, калі не выплачваецца (своечасова зарплата. - Заўвага БЕЛТА), то і прафсаюзы, і наймальнікі разумеюць, што неабходна тэрмінова прымаць меры. Работнік адпрацаваў, яму налічана заработная плата, ён яе павінен атрымаць. Мы трымаем гэта пытанне на кантролі", - заявіў Юрый Сянько.

версія для друку

зрабіць стартавай

дабавіць у выбранае