Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

26 Сак 2019

Федэральны канцлер Аўстрыі 28-29 сакавіка наведае Беларусь

Федэральны канцлер Аўстрыі 28-29 сакавіка наведае Беларусь
Фота ТАСС

26 сакавіка, Мінск /Кар. БЕЛТА/. Федэральны канцлер Аўстрыйскай Рэспублікі Себасцьян Курц 28-29 сакавіка наведае Беларусь. Аб гэтым, адказваючы на пытанне карэспандэнта БЕЛТА, паведаміў начальнік упраўлення інфармацыі і лічбавай дыпламатыі - прэс-сакратар МЗС Беларусі Анатоль Глаз.

Плануецца, што Себасцьян Курц правядзе двухбаковыя перагаворы, а таксама прыме ўдзел у адкрыцці помніка аўстрыйскім ахвярам нацызму ў мемарыяльным комплексе "Трасцянец". Манумент пад назвай "Масіў імён" прысвечаны памяці больш як 10 тыс. грамадзян Аўстрыі яўрэйскай нацыянальнасці, якія загінулі ў лагеры смерці "Трасцянец" у гады Другой сусветнай вайны.

Праграмай візіту прадугледжаны перагаворы Прэзідэнта Беларусі Аляксандра Лукашэнкі з высокім аўстрыйскім госцем. Запланавана таксама сустрэча прэм'ер-міністра Сяргея Румаса з федэральным канцлерам Аўстрыі і членамі дзелавой часткі дэлегацыі.

Прадугледжаны шэраг іншых мерапрыемстваў, сярод якіх памятны канцэрт-рэквіем.

Як інфармуе пасольства Аўстрыі ў Беларусі, у склад аўстрыйскай дэлегацыі ўвойдуць каля 40 чалавек: прадстаўнікі яўрэйскіх абшчын, сваякі загінулых у "Трасцянцы" аўстрыйскіх яўрэяў, а таксама прадстаўнікі аўстрыйскай эканомікі.

Таксама паведамляецца пра шэраг спадарожных мерапрыемстваў, якія пройдуць у Мінску ў бліжэйшыя дні. Так, 27 сакавіка адбудзецца паказ фільма "Зондэргета", 28 сакавіка з удзелам прадстаўнікоў аўстрыйскага боку пройдзе міжнародны семінар на пляцоўцы экспертнай ініцыятывы "Мінскі дыялог", 29 сакавіка - беларуска-аўстрыйскі сімпозіум гісторыкаў у БДУ па дапрацоўцы вынікаў даследавання па Малым Трасцянцы.-0-

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі