Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

11 Май 2018

ЕС выдзеліць амаль 130 тыс. еўра на ўзмацненне кіналагічнай службы беларускай мытні

11 мая, Мінск /Кар. БЕЛТА/. Грантавы кантракт па праекце міжнароднай тэхнічнай дапамогі "Узмацненне магчымасцей кіналагічнай службы мытных ведамстваў Рэспублікі Беларусь і Рэспублікі Польшча" падпісаны паміж Мінскай цэнтральнай мытняй і Міністэрствам інвестыцый і эканамічнага развіцця Польшчы ад імя ЕС. Такая інфармацыя размешчана на сайце Дзяржаўнага мытнага камітэта, паведамляе БЕЛТА.

Вядучым бенефіцыярам праекта выступае Мінская цэнтральная мытня. Праект будзе рэалізаваны сумесна з падатковай адміністрацыяй Беластока. Агульны ўклад ЕС складзе амаль 220 тыс. еўра, з якіх для Беларусі - амаль 130 тыс. еўра.

Рэалізацыя праекта накіравана на барацьбу з арганізаванай злачыннасцю, недапушчэнне крымінальнай дзейнасці і перамяшчэння праз граніцу кантрабандных або абмежаваных тавараў. Павышэнне мабільнасці супрацоўнікаў кіналагічных службаў дасць магчымасць з большай эфектыўнасцю ажыццяўляць мытны кантроль, асабліва ў частцы перамяшчэння забароненых тавараў. З гэтай мэтай будзе арганізавана абучэнне для супрацоўнікаў кіналагічных службаў Беларусі і Польшчы, а таксама закуплены спецыяльныя транспартныя сродкі для перамяшчэння службовых сабак.

Цяпер вядзецца работа па падрыхтоўцы дакументаў на рэгістрацыю праекта міжнароднай тэхнічнай дапамогі, пасля якой пачнецца яго рэалізацыя.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі