Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

4 Feb 2016

Еўрапейскія судэксперты лічаць важным супрацоўніцтва з Беларуссю

4 лютага, Мінск /Кар. БЕЛТА/. Еўрапейскія судовыя эксперты лічаць важным супрацоўніцтва з Беларуссю. Аб гэтым заявіў сёння ў час міжнароднай канферэнцыі ў Мінску старшыня еўрапейскай арганізацыі ў сферы судовай экспертызы ENFSI, генеральны дырэктар Нацыянальнага інстытута крыміналістыкі і крыміналогіі Бельгіі Ян дэ Кіндэр, перадае карэспандэнт БЕЛТА.

"Мы вельмі рады, што нас запрасілі ў Беларусь, і гатовы прадаставіць вам сваю падтрымку. Больш таго, я думаю, што для нас будзе важна супрацоўнічаць з Беларуссю, і разлічваю, што ў будучым мы будзем працаваць яшчэ больш з'яднана", - сказаў Ян дэ Кіндэр.

У сваю чаргу старшыня Дзяржаўнага камітэта судовых экспертыз Беларусі Андрэй Швед адзначыў, што спецыялісты яго ведамства пастаянна вывучаюць прагрэсіўны замежны вопыт у правядзенні экспертных даследаванняў, сістэматызацыі дзеючых і распрацоўцы новых методык экспертыз. "З улікам існуючых магчымасцей і асаблівасцей нацыянальнага заканадаўства ў работу беларускіх экспертаў укараняюцца самыя эфектыўныя метады і прыёмы. Удасканаленне судова-экспертнай дзейнасці ў Беларусі ў многім адбываецца дзякуючы супрацоўніцтву з міжнароднымі арганізацыямі", - падкрэсліў кіраўнік ведамства.

У Мінску 4-5 лютага сабраліся прадстаўнікі буйной еўрапейскай арганізацыі ў сферы судовай экспертызы ENFSI, якая аб'ядноўвае 64 экспертныя ўстановы з 36 еўрапейскіх краін. Па ініцыятыве кіраўніцтва ENFSI месца правядзення сустрэчы перанесена з Лондана ў Мінск.

Упаўнаважаныя вядучых экспертных устаноў Еўрапейскага саюза акрамя пасяджэння пастаяннага камітэта арганізацыі правядуць семінар са спецыялістамі Дзяржаўнага камітэта судовых экспертыз Беларусі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі