15 красавіка, Мінск /Таццяна Паляжай - БЕЛТА/. Еўракамісар па еўрапейскай палітыцы суседства і пашырэння Ёханес Хан 16-17 красавіка наведае Беларусь. Аб гэтым карэспандэнту БЕЛТА паведамілі ў прадстаўніцтве Еўрапейскага саюза ў Беларусі.
Візіт адбудзецца ў рамках наведвання камісарам усіх шасці краін "Усходняга партнёрства" напярэдадні Рыжскага саміту. Як адзначылі ў прадстаўніцтве, галоўная мэта візіту - вывучэнне магчымасцей для паляпшэння адносін паміж ЕС і Беларуссю.
Чакаецца, што ў час візіту адбудзецца шэраг афіцыйных сустрэч.