Падзеі

Экспертная місія МАГАТЭ прайшла на БелАЭС

Фота з архiва

30 ліпеня, Мінск /Кар. БЕЛТА/. Беларуская АЭС сумесна з МАГАТЭ правяла экспертную місію па кіраванні канфігурацыяй праекта АЭС  і ацэнцы, укараненні і маніторынгу змяненняў канфігурацый праекта і баз ліцэнзавання, паведамілі БЕЛТА ў аддзеле інфармацыі і грамадскіх сувязей БелАЭС.

Місія прайшла 29-30 ліпеня ў рэжыме відэа-канферэнц-сувязі ў рамках рэалізацыі праекта міжнароднай тэхнічнай дапамогі "Павышэнне эксплуатацыйнай бяспекі атамнай электрастанцыі ў перыяд уводу ў эксплуатацыю і эксплуатацыі". У ходзе ўзаемадзеяння спецыялістаў Беларускай АЭС і экспертаў МАГАТЭ разгледжаны пытанні абмену вопытам у галіне кіравання канфігурацыяй АЭС, праведзены агляд лепшых сусветных практык у гэтай галіне. Таксама прааналізаваны рэкамендацыі і падыходы міжнародных арганізацый, у прыватнасці МАГАТЭ. Таксама разгледжаны мэты і сістэма кіравання, парадак арганізацыі дзейнасці па кіраванні канфігурацыяй АЭС.

У склад каманды экспертаў МАГАТЭ ўвайшлі прадстаўнікі ЗША, Рэспублікі Карэя, Фінляндыі, якія маюць вялікі вопыт работы па выбраных напрамках.

Атрыманыя па выніках місіі ацэнкі і рэкамендацыі будуць выкарыстаны пры падрыхтоўцы да місіі МАГАТЭ OSART (місія па разглядзе пытанняў эксплуатацыйнай бяспекі), запланаванай да правядзення ў кастрычніку 2021 года.

версія для друку

зрабіць стартавай

дабавіць у выбранае