Падзеі

Экспазіцыя БелАЭС будзе прадстаўлена на Генканферэнцыі МАГАТЭ ў Вене

Фота Мінэнерга

25 верасня, Мінск /Кар. БЕЛТА/. У Вене адкрываецца пасяджэнне 67-й сесіі Генеральнай канферэнцыі МАГАТЭ. У штаб-кватэры арганізацыі - Венскім міжнародным цэнтры - пачне работу экспазіцыя Беларускай атамнай электрастанцыі, дзе будзе прадстаўлена інфармацыя аб рэалізацыі нацыянальнай ядзернай энергетычнай праграмы Беларусі, паведамілі БЕЛТА ў прэс-службе Міністэрства энергетыкі.

У прэс-службе адзначылі, што наведвальнікі стэнда змогуць азнаёміцца з развіццём у краіне інфраструктуры ядзернай энергетыкі і ядзернай бяспекі, даведацца аб фарміраванні адпаведнай нарматыўна-прававой базы, сістэме падрыхтоўкі кадраў для галіны. Асобна тут будзе прадстаўлена інфармацыя аб развіцці сацыяльна-эканамічнай інфраструктуры горада атамшчыкаў Астраўца.

"Праект па будаўніцтве БелАЭС знаходзіцца на завяршальным этапе. Беларусь адкрыта, адказна і ва ўзаемадзеянні з вядучымі міжнароднымі арганізацыямі, перш за ўсё МАГАТЭ, прымае неабходныя меры для забеспячэння высокага ўзроўню бяспекі станцыі. У рэспубліцы праведзены ўсе ключавыя місіі Агенцтва, рэкамендаваныя для краін, якія будуюць першую АЭС. Рэкамендацыі і прапановы экспертаў сталі важным арыенцірам у рэалізацыі нацыянальнай ядзернай энергетычнай праграмы", - паведамілі ў Мінэнерга.

Беларусь адкрыта дзеліцца набытым вопытам з іншымі дзяржавамі.

версія для друку

зрабіць стартавай

дабавіць у выбранае