Падзеі

ЕБРР у I паўгоддзі павялічыў інвестыцыі ў эканоміку Беларусі больш як у два разы да 160 млн еўра

Фота з архiва

22 ліпеня, Мінск /Кар. БЕЛТА/. Еўрапейскі банк рэканструкцыі і развіцця (ЕБРР) у I паўгоддзі павялічыў інвестыцыі ў эканоміку Беларусі больш як у два разы да 160 млн еўра, паведамілі БЕЛТА ў прэс-службе банка.

"Сума інвестыцый Еўрапейскага банка рэканструкцыі і развіцця ў Беларусі дасягнула 160 млн еўра ў першай палавіне 2020 года ў параўнанні з 67 млн еўра ў адпаведным перыядзе 2019-га, што дэманструе аператыўную рэакцыю ЕБРР на патрэбнасці эканомік, якія знаходзяцца ў стадыі развіцця і пераадольваюць наступствы каранавіруса", - адзначылі ў банку.

У цэлым па выніках I паўгоддзя аб'ёмы фінансавання ЕБРР склалі звыш 5 млрд еўра ў параўнанні з 3,7 млрд еўра ў аналагічным перыядзе 2019 года, папярэдняе рэкорднае I паўгоддзе было ў 2016-м - 3,9 млрд еўра. Інвестыцыі ЕБРР накіраваны на садзейнічанне ўстойліваму і інклюзіўнаму развіццю прыватнага сектара ў 38 краінах з эканомікай, якая знаходзіцца ў стадыі развіцця.

Паводле ацэнкі банка, пандэмія COVID-19 выклікала разбуральныя наступствы ў рэгіёнах аперацый ЕБРР, і ў сваіх апошніх прагнозах за май банк папярэджвае, што ў эканоміцы ўзнікла "беспрэцэдэнтная нявызначанасць".

У сакавіку ЕБРР прадставіў "пакет салідарнасці" - шэраг мер для падтрымкі кліентаў на фоне пандэміі. Адзін з галоўных яго складнікаў - рамачны механізм па прадастаўленні кліентам ЕБРР ліквіднасці і абаротных сродкаў. Толькі ў чэрвені сума крэдытавання па новым механізме склала больш за 1 млрд еўра. Як заявіў ЕБРР у красавіку, банк нацэліць усю сваю дзейнасць на барацьбу з пандэміяй СOVID-19 і па выніках 2021 года плануе інвесціраваць для гэтага каля 21 млрд еўра.

версія для друку

зрабіць стартавай

дабавіць у выбранае