Падзеі

Дзяржузнагарод удастоены амаль 100 прадстаўнікоў розных сфер дзейнасці

Фота з архiва

8 жніўня, Мінск /Кар. БЕЛТА/. Дзяржаўных узнагарод удастоены 94 прадстаўнікі розных сфер дзейнасці. Адпаведны ўказ нумар 299 Прэзідэнт Беларусі Аляксандр Лукашэнка падпісаў 7 жніўня, паведамілі БЕЛТА ў прэс-службе беларускага лідара.

Ордэн, медалі і ганаровыя званні прысвоены за шматгадовую плённую працу, высокі прафесіяналізм, смеласць і рашучасць, праяўленыя пры выратаванні чалавека ў час пажару, дасягненне высокіх вытворчых паказчыкаў, значны асабісты ўклад у забеспячэнне законнасці, умацаванне правапарадку і барацьбу са злачыннасцю, папярэджанне і спыненне эканамічных правапарушэнняў, ахову жывёльнага і расліннага свету, развіццё аграпрамысловага комплексу, прамысловасці, будаўніцтва, сувязі, транспартнай галіны, энергетыкі, заслугі ў сферах сацыяльнай абароны, адукацыі, навукі, культуры і спорту.

Ордэнам Пашаны ўзнагароджаны пракурор Гродзенскай вобласці Аляксандр Жукаў. Медаля "За выратаванае жыццё" ўдастоены начальнік другога аддзела ўпраўлення штаба ўзбраення Міністэрства абароны Андрэй Жлукта.

Сярод узнагароджаных медалём "За адзнаку ў ахове грамадскага парадку" старшы оперупаўнаважаны па асабліва важных справах аддзела па барацьбе з кантрабандай Брэсцкай мытні Аляксандр Выркоўскі, следчы па асабліва важных справах упраўлення па расследаванні злачынстваў супраць асобы і грамадскай бяспекі галоўнага следчага ўпраўлення цэнтральнага апарату Следчага камітэта  Уладзіслаў Ганчарук, намеснік начальніка ўпраўлення Следчага камітэта па Гомельскай вобласці Аляксандр Прыкалоцін.

Вялікая група работнікаў удастоена медаля "За працоўныя заслугі". У іх ліку - галоўны заатэхнік ААТ "Астрамечава" Вольга Жытковіч, генеральны дырэктар ААТ "Мінскі аўтамабільны завод" - кіруючая кампанія холдынга "БЕЛАЎТАМАЗ" Валерый Іванковіч, электраманцёр па рамонце і абслугоўванні электраабсталявання завода "Палімір" ААТ "Нафтан" Аляксандр Корсак, кандытар ААТ "Барысаўхлебпрам" Арцём Собаль.

Сярод узнагароджаных медалём Францыска Скарыны - артыст балета Беларускага дзяржаўнага акадэмічнага заслужанага харэаграфічнага ансамбля "Харошкі" Алена Багданава, дырэктар сярэдняй школы нумар 1 г.Баранавічы імя С.І. Грыцаўца Марына Купцова, першы намеснік галоўнага рэдактара газеты "Гомельская праўда" Вячаслаў Мінкоў, настаўнік фізікі сярэдняй школы нумар 14 г.Маладзечна Алена Спецыян.

Указам таксама прысвоены ганаровыя званні Рэспублікі Беларусь.

Званне "Народны настаўнік Беларусі" прысвоена настаўніку матэматыкі гімназіі нумар 1 г.Ліда Альфрэду Ладыку. Артыст сімфанічнага аркестра - вядучы майстар сцэны заслужанага калектыву Рэспублікі Беларусь "Гродзенская капэла" Таццяна Сухоцкая ўдастоена ганаровага звання "Заслужаны артыст Рэспублікі Беларусь".

Званне заслужанага дзеяча навукі Беларусі прысвоена дырэктару Інстытута ядзерных праблем БДУ Сяргею Максіменку. Першы прарэктар Беларускага дзяржаўнага педагагічнага ўніверсітэта імя Максіма Танка Святлана Копцева ўдастоена ганаровага звання "Заслужаны работнік адукацыі Рэспублікі Беларусь". Заслужаным работнікам прамысловасці Беларусі стала дырэктар ААТ "Гама смаку" Надзея Пальчынская.

Генеральнаму дырэктару ААТ "Гроднахлебпрам" Віктару Леановічу і дырэктару ААТ "Дэмбрава" Аляксандру Туле прысвоена ганаровае званне "Заслужаны работнік сельскай гаспадаркі Рэспублікі Беларусь".

Звання "Заслужаны будаўнік Рэспублікі Беларусь" удастоены начальнік дзяржаўнага ўнітарнага будаўнічага прадпрыемства "Пружанская ПМК-21" Васіль Лук'янчук. Галоўнаму ландшафтнаму архітэктару ландшафтна-экалагічнага аддзела прадпрыемства "Мінскпраект" Ганне Аксёнавай прысвоена ганаровае званне заслужанага архітэктара Беларусі.

Аляксандр Лукашэнка 7 жніўня таксама падпісаў распараджэнне аб аб'яўленні Падзякі Прэзідэнта Беларусі.

За шматгадовую плённую працу ў падатковых органах, значныя дасягненні ў прафесійнай дзейнасці Падзякі Прэзідэнта ўдастоены начальнік упраўлення арганізацыі кантрольнай работы ІМПЗ па Мінскай вобласці Аксана Белязяк, начальнік ІМПЗ па Асіповіцкім раёне Алена Папыльчэнка, намеснік начальніка аддзела кантролю арганізацый упраўлення кантрольнай работы ІМПЗ па Савецкім раёне Гомеля Вадзім Пачтароў, намеснік начальніка ўпраўлення падаткаабкладання фізічных асоб ІМПЗ па Мінску Таццяна Якімава.

Галоўнаму саветніку аддзела прававой, аналітычнай і метадычнай работы Алесі Урбановіч і начальніку аддзела арганізацыйнай, фінансавай работы і міжнароднага супрацоўніцтва апарату Цэнтральнай выбарчай камісіі Сяргею Шмарлоўскаму Падзяка Прэзідэнта аб'яўлена за плённую працу, высокі прафесіяналізм, значны асабісты ўклад ва ўдасканаленне нацыянальнай выбарчай сістэмы.

За шматгадовую плённую працу, высокі прафесіяналізм, значны асабісты ўклад у папярэджанне і спыненне эканамічных правапарушэнняў Падзякі Прэзідэнта ўдастоены шэраг супрацоўнікаў органаў дзяржаўнага кантролю. У іх ліку - саветнік упраўлення каардынацыі і міжнароднага супрацоўніцтва Дэпартамента фінансавага маніторынгу КДК Кацярына Азерная, намеснік начальніка галоўнага ўпраўлення кантролю будаўніцтва, жыллёва-камунальнай гаспадаркі і па горадзе Мінску - начальнік упраўлення кантролю жыллёва-камунальнай гаспадаркі КДК Уладзімір Бондар, рэвізор Баранавіцкага міжраённага камітэта дзяржаўнага кантролю Іна Бурак, старшыня Камітэта дзяржаўнага кантролю Гродзенскай вобласці Анатоль Дарожка.

Падзяка Прэзідэнта за плённую працу, высокі прафесіяналізм, значны асабісты ўклад у будаўніцтва аб'екта "Перавод г.Мінска на водазабеспячэнне з падземных крыніц" аб'яўлена генеральнаму дырэктару Упраўлення дарожна-маставога будаўніцтва і добраўпарадкавання Мінгарвыканкама Уладзіміру Латушкіну і дырэктару "Мінскводаканала" Фёдару Рымашэўскаму.

За актыўны ўдзел у грамадска-палітычным жыцці краіны Падзякі Прэзідэнта ўдастоены член Хоцімскай раённай арганізацыі РГА "Белая Русь" Юрый Курзянкоў, старшыня Кастрычніцкага раённага аддзялення горада Гродна Беларускай партыі "Белая Русь" Уладзімір Хлябіч і член савета Горацкага раённага аддзялення Магілёўскай вобласці Беларускай партыі "Белая Русь" Леанід Ягоранка.

Падзякай Прэзідэнта Беларусі таксама адзначаны працоўныя і прафесійныя заслугі начальніка цукерачнага цэха кандытарскай фабрыкі "Камунарка" Ліліі Артынскай, галоўнай медыцынскай сястры Лунінецкай ЦРБ Святланы Гарагляд, намесніка начальніка вытворча-тэхнічнага аддзела філіяла "Баранавіцкае вытворчае ўпраўленне" вытворчага рэспубліканскага ўнітарнага прадпрыемства "Брэстаблгаз" Уладзіслава Барткевіча, арматуршчыка філіяла "Будаўнічае ўпраўленне нумар 158" ААТ "Будаўнічы трэст нумар 8" Васіля Кіслюка, дырэктара ААТ "Гастэлаўскае" Станіслава Сакалоўскага і памочніка старшыні Прэзідэнцкага спартыўнага клуба па спорце - загадчыка сектара інфармацыі і грамадскіх сувязей Паўла Ягорава.

версія для друку

зрабіць стартавай

дабавіць у выбранае