Падзеі

Дзяржпагранкамітэт і УВКБ ААН абмеркавалі прадастаўленне дапамогі бежанцам

Фота ДПК

19 верасня, Мінск /Кар. БЕЛТА/. Дзяржпагранкамітэт і УВКБ ААН у Беларусі падпісалі пратакол аб супрацоўніцтве, паведамілі БЕЛТА ў ДПК.

У Мінску 19 верасня адбылася рабочая сустрэча старшыні Дзяржпагранкамітэта Канстанціна Моластава з прадстаўніком Упраўлення Вярхоўнага камісара ААН па справах бежанцаў у Беларусі Эролам Ардучам.

Сярод мэт, названых на сустрэчы, вылучаны ўдасканаленне ўзаемадзеяння ў сферы кіравання граніцамі з улікам патрэбнасцей у абароне і ўмацаванне патэнцыялу Дзяржпагранкамітэта, у тым ліку на ўзроўні тэрытарыяльных органаў пагранічнай службы. Бакі таксама абмеркавалі пытанні прадастаўлення дапамогі іншаземцам і асобам без грамадзянства, уключаючы асоб, якія маюць патрэбу ў міжнароднай абароне, звярнуліся з хадайніцтвамі аб прадастаўленні статусу бежанца, дадатковай абароны або прыстанішча ў Беларусі, а таксама людзей, што трапілі ў цяжкую жыццёвую сітуацыю і маюць патрэбу ў экстраннай дапамозе.

Па выніках рабочай сустрэчы ўдзельнікі падпісалі пратакол аб супрацоўніцтве. "Сумесная дзейнасць Дзяржпагранкамітэта і УВКБ ААН садзейнічае эфектыўнаму вырашэнню задач па ўмацаванні патэнцыялу пагранічнага ведамства ў сферы міграцыі і рэалізацыі гуманітарных місій Арганізацыі Аб'яднаных Нацый", - адзначылі ў ведамстве.

версія для друку

зрабіць стартавай

дабавіць у выбранае