У Беларусь без візы на 30 дзён
Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

11 Сак 2020

Дзяржпагранкамітэт і ЮНІСЕФ дамовіліся аб супрацоўніцтве

Дзяржпагранкамітэт і ЮНІСЕФ дамовіліся аб супрацоўніцтве
У час сустрэчы. Фота Дзяржпагранкамітэта

11 сакавіка, Мінск /Кар. БЕЛТА/. Дзяржаўны пагранічны камітэт Беларусі і ЮНІСЕФ дамовіліся аб супрацоўніцтве, у бліжэйшы час ведамства і міжнародная арганізацыя падпішуць адпаведны мемарандум. Аб гэтым БЕЛТА паведамілі ў прэс-службе Дзяржпагранкамітэта.

Старшыня Дзяржпагранкамітэта Анатоль Лапо і кіраўнік прадстаўніцтва ЮНІСЕФ у Беларусі Рашэд Мустафа Сарвар правялі рабочую сустрэчу 10 сакавіка. Бакі закранулі тэмы развіцця абстаноўкі на беларускай граніцы ў 2019 годзе, нерэгулярнай міграцыі і перспектыў па праектах міжнароднай тэхнічнай дапамогі.

Асаблівую ўвагу Анатоль Лапо ўдзяліў сітуацыі з незаконным перасячэннем граніцы мігрантамі з дзецьмі. "У такіх выпадках мы ствараем спрыяльныя ўмовы для размяшчэння маці з дзецьмі. Яны знаходзяцца не ў памяшканнях закрытага тыпу, а ў медпунктах воінскіх часцей, дзе яны атрымліваюць неабходную медыцынскую і псіхалагічную дапамогу. Мы актыўна супрацоўнічаем з міжнароднымі арганізацыямі, якія па магчымасці аказваюць гуманітарную дапамогу такім сем'ям", - адзначыў кіраўнік пагранведамства.

Рашэд Мустафа Сарвар падкрэсліў, што ЮНІСЕФ зацікаўлена ў развіцці супрацоўніцтва з Дзяржпагранкамітэтам. "Дзеці павінны бачыць граніцу адкрытай і дружалюбнай. У бліжэйшы час мы падпішам мемарандум аб супрацоўніцтве з пачнём работу па тэмах, якія адпавядаюць інтарэсам нашых арганізацый", - сказаў ён.

Паводле слоў Анатоля Лапо, пагранічнікі зацікаўлены ў развіцці інфраструктуры для дзяцей у пунктах пропуску, на пагранічных заставах і ў цэнтрах утрымання іншаземцаў.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс