Падзеі

Дыпламат з Катара: адносіны Мінска і Дохі грунтуюцца на агульначалавечых каштоўнасцях

Фота пасольства Катара ў Беларусі

18 снежня, Мінск /Кар. БЕЛТА/. Катарска-беларускія адносіны грунтуюцца на агульначалавечых каштоўнасцях, на фундаменце моцнай дружбы і сумеснага супрацоўніцтва. Важнасць гэтага адзначыў карэспандэнту БЕЛТА часовы павераны ў справах Катара ў Беларусі Хамуд Салех аль-Саадзі ў сувязі з Нацыянальным днём гэтай краіны.

У Мінску з нагоды гэтага свята адбылося ўрачыстае мерапрыемства. "Дзень 18 снежня з'яўляецца адлюстраваннем самаахвярнасці, яскравым прыкладам адзінства і з'яднанасці катарскага народа. У гэты дзень мы пацвярджаем наша імкненне да квітнеючай будучыні, захавання нашай спадчыны і арабскай ідэнтычнасці пад мудрым кіраўніцтвам эміра Дзяржавы Катар шэйха Таміма бен Хамада аль-Тані", - адзначыў дыпламат.

Ён таксама падкрэсліў: "Дзяржава Катар і Рэспубліка Беларусь падзяляюць многія агульныя каштоўнасці як адказныя члены міжнароднай супольнасці. Разам з агульнай зацікаўленасцю ва ўмацаванні міру і бяспекі кіраўніцтва нашых краін таксама падзяляе цікавасць у галіне эканамічнага і сацыяльнага развіцця".

Кіраўнік дыпламатычнай місіі расказаў аб дасягненнях Дзяржавы Катар на нацыянальным і міжнародным узроўнях. "Катар стаў адной з перадавых краін у свеце, і сёння назіраецца беспрэцэдэнтны ўздым развіцця ў адпаведнасці з мэтамі Нацыянальнага бачання - 2030. Так, да дасягненняў дзяржавы ў бягучым годзе можна аднесці ўмацаванне міжнародных пазіцый у індэксе якасці жыцця, дзе Катар заняў восьмае месца ў свеце і ўвайшоў у дваццатку краін-лідараў у глабальным рэйтынгу лічбавай канкурэнтаздольнасці, - прадоўжыў ён. - Дзяржава Катар заслужыла ўсеагульную павагу не толькі дзякуючы сваім выдатным унутраным поспехам у развіцці чалавечага патэнцыялу, эканамічнага і сацыяльнага росту, але і дзякуючы сваёй актыўнай дыпламатыі з дапамогай шматлікіх ініцыятыў на рэгіянальным і міжнародным узроўнях, накіраваных на ўстанаўленне больш бяспечных і справядлівых міжнародных адносін, а таксама з мэтай абароны інтарэсаў народаў".

"У рамках сваёй палітыкі развіцця і стратэгіі міжнароднага супрацоўніцтва Дзяржава Катар правяла ў Досе ў лістападзе 2025 года другі Сусветны саміт па сацыяльным развіцці, мэтай якога было вырашэнне праблем беднасці і сацыяльнай інтэграцыі для дасягнення Мэт устойлівага развіцця. Усе гэтыя дасягненні зрабілі Катар краінай, якая актыўна ўдзельнічае ў дасягненні міру і бяспекі, прызнанай за яе выдатную і наватарскую ролю ў дасягненні міжнароднага развіцця і глабальнага партнёрства", - сказаў ён.

Часовы Павераны звярнуў увагу: "Катарска-беларускія адносіны грунтуюцца на агульных культурных і агульначалавечых каштоўнасцях, на фундаменце моцнай дружбы і сумеснага супрацоўніцтва, заснаваных на ўзаемнай павазе і даверы. Нашы двухбаковыя адносіны атрымалі значны імпульс дзякуючы шматлікім візітам высокапастаўленых асоб абедзвюх дзяржаў, у час якіх было падпісана шмат пагадненняў і мемарандумаў аб узаемаразуменні. Гэта работа вялася на працягу ўсяго 2025 года. Хачу таксама падкрэсліць паспяховы візіт прэм'ер-міністра Рэспублікі Беларусь У Дзяржаву Катар у лютым, які пасадзейнічаў умацаванню сувязей дружбы і развіццю палітычных і эканамічных адносін. Мы імкнёмся да адкрыцця новых гарызонтаў у не менш важных галінах, такіх як турызм, культура і спорт. Тым больш што ў нашых краін ёсць вялікі патэнцыял і магчымасці, якія адпавядаюць агульным інтарэсам нашых дружалюбных народаў".

"Мы ўпэўнены, што адкрыццё рэгулярных авіязносін паміж Дохай і Мінскам адкрые шырокія перспектывы для развіцця турызму", - рэзюмаваў Хамуд Салех аль-Саадзі.

версія для друку

зрабіць стартавай

дабавіць у выбранае