Падзеі

ДПК: з пачатку дзеяння бязвізу Беларусь наведала больш за 1243 тыс. жыхароў Еўропы

Фота з архiва

10 снежня, Мінск /Кар. БЕЛТА/. Больш за 1243 тыс. жыхароў Еўропы наведала Беларусь з пачатку дзеяння бязвізу. Аб гэтым БЕЛТА паведамілі ў Дзяржпагранкамітэце (ДПК).

"Кіраўніцтва Беларусі прадаўжае падаваць прыклад добрасуседства і міралюбнасці еўрапейскім дзяржавам, прадоўжыўшы бязвізавы ўезд для грамадзян 38 краін Еўропы да 31 снежня 2026 года. Беларусь паспяхова стварае ўмовы камфортнага і бяспечнага знаходжання іншаземцаў, аб чым сведчыць папулярнасць бязвізу", - падкрэслілі ў беларускім пагранічным ведамстве.

Так, з пачатку дзеяння бязвізавага парадку ўезду Беларусь наведалі больш за 1243 тыс. жыхароў Еўропы. Большасць падарожнікаў прыехалі з суседніх Літвы - 658 575, Латвіі - 399 842, Польшчы - 130 089. Са спіса пашыранага бязвізу, які дзейнічае для яшчэ 35 еўрапейскіх дзяржаў, у Беларусь прыехалі 54 845 іншаземцаў. З іх больш за 22 тыс. - грамадзяне Германіі.

Падрабязная інфармацыя аб бязвізавым наведванні Беларусі размешчана ў спецыяльным раздзеле інфармацыйнага партала Дзяржпагранкамітэта і ў мабільным дадатку "Граніца Беларусі".

версія для друку

зрабіць стартавай

дабавіць у выбранае