Падзеі

ДПК: беларускія пагранічнікі ў поўным аб'ёме гатовы аднавіць міжнародныя зносіны з Украінай

28 студзеня, Мінск /Кар. БЕЛТА/. Беларускія пагранічнікі ў поўным аб'ёме гатовы аднавіць міжнародныя зносіны з Украінай. Аб гэтым журналістам заявіў афіцыйны прадстаўнік Дзяржаўнага пагранічнага камітэта Беларусі Антон Бычкоўскі, перадае карэспандэнт БЕЛТА.

Сёння прадстаўнікі замежных СМІ з дзевяці дзяржаў наведваюць участак дзяржаўнай граніцы з Украінай у Гомельскім раёне.

"У адпаведнасці з рашэннем кіраўніцтва Украіны з 28 лютага 2022 года ўсе міжнародныя пункты пропуску, пункты спрошчанага пропуску на дзяржаўнай граніцы Украіны з Рэспублікай Беларусь былі закрыты. Цяпер міжнародныя зносіны не ажыццяўляюцца", - сказаў Антон Бычкоўскі.

Паводле слоў афіцыйнага прадстаўніка пагранічнага ведамства, з беларускага боку пункты пропуску на граніцы з Украінай функцыянуюць, а пагранічнікі ў поўным аб'ёме гатовы ў самыя кароткія тэрміны аднавіць міжнародныя зносіны з сумежным бокам.

Дзяржаўны пагранічны камітэт Беларусі арганізаваў паездку замежных журналістаў на граніцу з Украінай па даручэнні Прэзідэнта Беларусі. Адпаведнае даручэнне кіраўнік дзяржавы даў у час прэс-канферэнцыі 26 студзеня. Такім чынам, у замежных журналістаў ёсць магчымасць на свае вочы ўбачыць, якая абстаноўка складваецца на граніцы Беларусі і Украіны.

Пагранічнае ведамства забяспечвае журналістам доступ да ўсіх лакацый, якія цікавяць, а таксама дае каментарыі па асаблівасцях аховы дзяржаўнай граніцы на гэтым напрамку.

версія для друку

зрабіць стартавай

дабавіць у выбранае