Падзеі

Дата фізічнага пуску БелАЭС будзе вызначана прыкладна праз тыдзень - Сямашка

Уладзімір Сямашка. Фота з архiва

10 чэрвеня, Масква /Эдуард Півавар - БЕЛТА/. Дата фізічнага пуску першага блока Беларускай АЭС будзе вызначана прыкладна праз тыдзень. Аб гэтым паведаміў пасол Беларусі ў Расіі Уладзімір Сямашка сёння ў час анлайн-канферэнцыі, прысвечанай перспектывам развіцця адносін Беларусі і Расіі, перадае карэспандэнт БЕЛТА.

"Мы сёння сапраўды знаходзімся на фінішы будаўніцтва атамнай станцыі, - адзначыў Уладзімір Сямашка. - Павінен сказаць, што па энергаблоку нумар адзін мы літаральна праз тыдзень разам з кіраўніцтвам "Расатама" (а я да гэтага часу курырую гэту станцыю, кожны месяц праводзім штабы) вызначымся з канкрэтнай датай фізічнага пуску".

Уладзімір Сямашка дадаў, што ў лютым 2021 года першы энергаблок пачне працаваць на 100-працэнтную магутнасць. Паводле яго слоў, у маі 2022 года, як мяркуецца, пачне працаваць другі энергаблок Беларускай АЭС.

версія для друку

зрабіць стартавай

дабавіць у выбранае