У Беларусь без візы на 30 дзён
Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

12 Чэр 2017

Буйныя мерапрыемствы беларускага старшынства ў АДКБ пройдуць у Мінску 13 і 15 чэрвеня

12 чэрвеня, Мінск /Кар. БЕЛТА/. Буйныя мерапрыемствы беларускага старшынства ў Арганізацыі Дагавора аб калектыўнай бяспецы - пасяджэнні Савета міністраў абароны і Камітэта сакратароў саветаў бяспекі - пройдуць у Мінску 13 і 15 чэрвеня. Чакаецца, што з удзельнікамі абодвух мерапрыемстваў сустрэнецца Прэзідэнт Беларусі Аляксандр Лукашэнка, паведаміла БЕЛТА прэс-сакратар кіраўніка беларускай дзяржавы Наталля Эйсмант.

Пасяджэнне Савета міністраў абароны (СМА) дзяржаў - членаў АДКБ адбудзецца 13 чэрвеня пад старшынствам міністра абароны Беларусі генерал-лейтэнанта Андрэя Раўкова. У мерапрыемстве прыме ўдзел генеральны сакратар АДКБ Юрый Хачатураў, паведамляецца на афіцыйным сайце АДКБ.

Кіраўнікі абаронных ведамстваў абмяркуюць план сумеснай падрыхтоўкі органаў кіравання і фарміраванняў сіл і сродкаў сістэмы калектыўнай бяспекі АДКБ на 2018 год, план кансультацый прадстаўнікоў дзяржаў - членаў Арганізацыі Дагавора аб калектыўнай бяспецы па пытаннях знешняй палітыкі, бяспекі і абароны на другое паўгоддзе 2017 года - першае паўгоддзе 2018 года, а таксама пытанне ўдасканалення механізму рэалізацыі пагаднення аб асноўных прынцыпах ваенна-тэхнічнага супрацоўніцтва паміж дзяржавамі - удзельніцамі Дагавора аб калектыўнай бяспецы.

Усяго ў праект парадку дня пасяджэння ўключана 12 пытанняў.

Прэс-сакратар АДКБ Уладзімір Зайнетдзінаў таксама пацвердзіў карэспандэнту БЕЛТА, што на 15 чэрвеня ў беларускай сталіцы запланавана пасяджэнне Камітэта сакратароў саветаў бяспекі (КССБ), які з'яўляецца кансультатыўным і выканаўчым органам арганізацыі па пытаннях каардынацыі ўзаемадзеяння дзяржаў-членаў у галіне забеспячэння іх нацыянальнай бяспекі.

Як паведамлялася, на саміце ў Арменіі восенню мінулага года старшынства ў Арганізацыі Дагавора аб калектыўнай бяспецы перайшло да Беларусі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс