Падзеі

Большасць расіян станоўча адносяцца да Лукашэнкі

Фота з архiва

27 ліпеня, Мінск /Кар. БЕЛТА/. Большасць расіян станоўча адносяцца да Прэзідэнта Беларусі Аляксандра Лукашэнкі. Такія даныя апублікаванага даследавання Усерасійскага цэнтра вывучэння грамадскай думкі (УЦВГД), паведамляе БЕЛТА.

Згодна з апытаннем, адносіны да Прэзідэнта Беларусі адпавядаюць адносінам да краіны: станоўчыя або нейтральныя. Кожны другі расіянін (52 працэнты) станоўча адносіцца да кіраўніка беларускай дзяржавы. Трэць (35 працэнтаў) паведамляе пра абыякавае стаўленне да лідара краіны, і толькі ў 9 працэнтаў да яго негатыўнае стаўленне.

Эмоцыі, якія расіяне адчуваюць да Аляксандра Лукашэнкі, часцей пазітыўныя: павага (34 працэнты, з 2017 года доля тых, хто адчувае гэта пачуццё, стабільная), сімпатыя (18 працэнтаў), давер (14 працэнтаў). Доля негатыўных пачуццяў таксама прысутнічае ў адносінах расіян да Прэзідэнта Беларусі, аднак яна нязначная: частка апытаных абазначыла недавер (7 працэнтаў, мінус 5 працэнтных пунктаў з 2017 года), расчараванне (5 працэнтаў), антыпатыю (4 працэнты) і скепсіс (4 працэнты).

Ацэнкі цяперашніх адносін паміж Расіяй і Беларуссю пераважна нейтральныя або станоўчыя. Называюць адносіны нармальнымі, спакойнымі 27 працэнтаў расіян. На думку 15 працэнтаў расіян, гэтыя адносіны можна ахарактарызаваць як дружалюбныя, яшчэ 17 працэнтаў назвалі б іх добрымі, добрасуседскімі. У негатыўным спектры актуальныя адносіны паміж краінамі бачаць толькі 6 працэнтаў расіян: яны лічаць адносіны паміж дзяржавамі напружанымі.

Ініцыятыўнае ўсерасійскае апытанне было праведзена 21 ліпеня. У ім прынялі ўдзел 1,6 тыс. расіян ва ўзросце ад 18 гадоў. Метад апытання - тэлефоннае інтэрв'ю па стратыфікаванай двухасноўнай выпадковай выбарцы стацыянарных і мабільных нумароў.

версія для друку

зрабіць стартавай

дабавіць у выбранае