Падзеі

Больш за 20 праектаў дакументаў і 14 пытанняў. Стаў вядомы праект парадку дня пасяджэння СКУ СНД у Мінску

Фота з архiва

29 ліпеня, Мінск /Кар. БЕЛТА/. Стаў вядомы праект парадку дня пасяджэння Савета кіраўнікоў урадаў СНД. Аб гэтым журналістам паведаміў Надзвычайны і Паўнамоцны Пасол Таджыкістана ў Беларусі, пастаянны паўнамоцны прадстаўнік Рэспублікі Таджыкістан пры статутных і іншых органах СНД Бахтавар Сафарзада, перадае карэспандэнт БЕЛТА.

"Сёння мы абмяркуем праекты парадку дня маючых адбыцца асенніх пасяджэнняў вышэйшых статутных органаў СНД. Як вядома, 30 верасня ў Мінску адбудзецца пасяджэнне Савета кіраўнікоў урадаў, на якім плануецца разгледзець шырокі спектр пытанняў - ад навукова-тэхналагічнага супрацоўніцтва да лічбавай эканомікі, сельскай гаспадаркі і мірнага выкарыстання атамнай энергіі. У парадкак дня ўключаны 14 пытанняў і 25 праектаў дакументаў, у тым ліку планы рэалізацыі другога этапу Стратэгіі эканамічнага развіцця СНД на 2026-2030 гады  і падрыхтоўкі да Года аховы здароўя", - расказаў Бахтавар Сафарзада.

Пасяджэнні Савета міністраў замежных спраў і Савета кіраўнікоў дзяржаў пройдуць 9-10 кастрычніка ў Душанбэ, адзначыў пасол. "Чакаецца зацвярджэнне праграм па культуры, правах чалавека, барацьбе з тэрарызмам і рэгіянальнай энергетычнай бяспецы", - падкрэсліў ён.

Чарговае пасяджэнне Савета пастаянных паўнамоцных прадстаўнікоў дзяржаў - удзельніц Садружнасці пры статутных і іншых органах Садружнасці праходзіць сёння ў Выканаўчым камітэце СНД у Мінску. На сустрэчы пастаянныя прадстаўнікі разгледзяць праекты парадку дня чарговых пасяджэнняў Савета міністраў замежных спраў, Савета кіраўнікоў урадаў і Савета кіраўнікоў дзяржаў СНД, якія пройдуць восенню ў Душанбэ і Мінску. Аб ходзе выканання ў першым паўгоддзі Канцэпцыі старшынства Таджыкістана ў Садружнасці Незалежных Дзяржаў у 2025 годзе і Плана мерапрыемстваў па яе рэалізацыі праінфармуе пастаянны паўнамоцны прадстаўнік Таджыкістана пры статутных і іншых органах СНД Бахтавар Сафарзада. Пастаянныя прадстаўнікі таксама абмяркуюць пытанні, якія датычацца медыйнага суправаджэння дзейнасці Садружнасці Незалежных Дзяржаў.

версія для друку

зрабіць стартавай

дабавіць у выбранае