Падзеі

Больш за 186 тыс. іншаземцаў наведалі Беларусь па бязвізе з пачатку года

Фота з архiва

13 кастрычніка, Мінск /Кар. БЕЛТА/. У Беларусь з 1 студзеня гэтага года прыбылі 186 027 замежных грамадзян з 38 краін, уключаных у спіс бязвізу. Большасць падарожнікаў прыехалі з краін-суседзяў Беларусі - Літвы, Латвіі і Польшчы, паведамілі БЕЛТА ў Дзяржпагранкамітэце.

Усяго з 15 красавіка 2022 года нашу краіну наведалі 1 217 763 жыхары Еўропы. З Латвіі прыбылі 391 119 іншаземцаў, з Літвы - 651 882, з Польшчы - 123 601. У рамках пашыранага бязвізу для 35 еўрапейскіх дзяржаў з 19 ліпеня 2024 года ў Беларусь уехаў 51 161 замежны грамадзянін.

У пагранічным ведамстве нагадалі, што кіраўніком дзяржавы прынята рашэнне аб прадаўжэнні бязвізавага ўезду для грамадзян 38 еўрапейскіх краін да 31 снежня 2025 года ўключна. Падрабязная інфармацыя аб бязвізавым наведванні Беларусі размешчана ў спецыяльным раздзеле інфармацыйнага партала Дзяржпагранкамітэта і ў мабільным дадатку "Граніца Беларусі".

версія для друку

зрабіць стартавай

дабавіць у выбранае