Падзеі

БелГПП прыняла ўдзел у 128-й сесіі генасамблеі Еўрапалаты

Фота з архiва

16 кастрычніка, Мінск /Кар. БЕЛТА/. Старшыня Беларускай гандлёва-прамысловай палаты Уладзімір Улаховіч прыняў удзел у 128-й сесіі Генеральнай асамблеі Асацыяцыі еўрапейскіх гандлёва-прамысловых палат (Еўрапалаты). Мерапрыемства адбылося ў фармаце відэаканферэнцыі, паведамілі БЕЛТА ў БелГПП.

Удзельнікі сесіі, сярод якіх прэзідэнт Еўрапалаты Крыстаф Ляйтл, галоўны выканаўчы дырэктар Еўрапалаты Бен Батэрс, а таксама больш за 60 кіраўнікоў і прадстаўнікоў ГПП і бізнес-арганізацый, якія ўваходзяць у склад гэтай еўрапейскай асацыяцыі, абмеркавалі пытанні далейшага гандлёва-эканамічнага ўзаемадзеяння ЕС і Вялікабрытаніі, разгледзелі і зацвердзілі бюджэт, графік статутных пасяджэнняў, склад савета дырэктараў і бюджэтнага камітэта палаты на 2021 год.

Акрамя таго, у час мерапрыемства бакі разгледзелі меры фінансавай падтрымкі малога і сярэдняга бізнесу ва ўмовах пандэміі, пытанні функцыянавання адзінага еўрапейскага рынку, механізмы забеспячэння стабільнай работы прадпрыемстваў у перыяд крызісу, адзначылі ў БелГПП.

Кіраўнікі Асацыяцыі еўрапейскіх гандлёва-прамысловых палат праінфармавалі аб унясенні змяненняў у стратэгічную дарожную карту Еўрапалаты, аптымізацыі тэматычных камітэтаў, якія дзейнічаюць пад яе эгідай, а таксама аб планах па правядзенні ў 2021 годзе дзелавога форуму "Еўрапейскі парламент прадпрыемстваў".

версія для друку

зрабіць стартавай

дабавіць у выбранае