Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

9 Ліс 2017

Беларускія спецыялісты ўдзельнічаюць у перагаворах у Маскве аб узаемным прызнанні віз

9 лістапада, Мінск /Кар. БЕЛТА/. Беларускія спецыялісты адправіліся на перагаворы ў Маскву, дзе абмяркоўваецца пытанне ўзаемнага прызнання віз у Саюзнай дзяржаве. Аб гэтым паведаміў сёння ў Палаце прадстаўнікоў першы намеснік міністра ўнутраных спраў Іван Падгурскі, адказваючы на пытанне спікера Уладзіміра Андрэйчанкі, перадае карэспандэнт БЕЛТА.

"На сённяшні дзень супрацоўнікі паехалі ў камандзіроўку ў Маскву, і абмяркоўваецца гэта пытанне", - праінфармаваў Іван Падгурскі.

На ўдакладняльнае пытанне спікера аб тым, ці будзе прынята рашэнне да канца 2017 года, Іван Падгурскі запэўніў, што беларускі бок робіць для гэтага ўсё магчымае, хоць тэма, якая абмяркоўваецца, няпростая.

Раней беларускі сенатар, старшыня Камісіі Парламенцкага сходу Саюзнай дзяржавы па пытаннях знешняй палітыкі Сяргей Рахманаў паведамляў, што пагадненне аб узаемным прызнанні віз паміж Беларуссю і Расіяй можа быць падпісана да канца 2017 года. Прычым размова ў гэтым дакуменце будзе весціся не толькі аб узаемным прызнанні віз, але і аб іншых дазвольных дакументах з улікам тых мерапрыемстваў, якія будуць праводзіцца ў краінах у будучым. Гэта, у прыватнасці, чэмпіянат свету па футболе ў 2018 годзе ў Расіі і II летнія Еўрапейскія гульні ў 2019 годзе ў Беларусі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі