У Беларусь без візы на 30 дзён
Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

13 Май 2015

Беларускія дэпутаты ратыфікавалі пагадненне з Сербіяй аб супрацоўніцтве ў галіне абароны

13 мая, Мінск /Кар. БЕЛТА/. Палата прадстаўнікоў Нацыянальнага сходу Беларусі прыняла сёння законапраект аб ратыфікацыі міжурадавага беларуска-сербскага пагаднення аб супрацоўніцтве ў галіне абароны, перадае карэспандэнт БЕЛТА.

Пагадненне было падпісана 18 сакавіка 2015 года ў Мінску. Як растлумачыў міністр абароны Беларусі Андрэй Раўкоў, дакумент прадугледжвае актывізацыю двухбаковага супрацоўніцтва ў ваенна-эканамічнай і ваенна-навуковай сферах, а таксама ў сферы ваеннай адукацыі, ваеннай медыцыны, падрыхтоўкі войскаў і г.д.

Бакі, як гаворыць дакумент, будуць ажыццяўляць афіцыйныя візіты і рабочыя сустрэчы, абменьвацца вопытам і праводзіць кансультацыі, удзельнічаць у канферэнцыях, сімпозіумах, семінарах, абменьвацца неабходнай інфармацыяй і дакументацыяй, арганізоўваць навукова-тэхнічныя праекты, удзельнічаць у мерапрыемствах па аператыўнай і баявой падрыхтоўцы.

Палажэнні пагаднення таксама прадугледжваюць рэалізацыю двухбаковых мерапрыемстваў міжнароднага ваеннага супрацоўніцтва на штогадовай планавай аснове і ўстанаўліваюць фінансавыя абавязацельствы бакоў па іх правядзенні, вызначаюць парадак абароны інфармацыі, вырашэння спрэчак, аказання неадкладнай медыцынскай і стаматалагічнай дапамогі прадстаўнікам бакоў і інш.

Дэпутат Уладзімір Васіленка пацікавіўся, ці плануецца абучэнне сербскіх ваеннаслужачых у ваенных навучальных установах Беларусі. Андрэй Раўкоў адзначыў, што нядаўна ў Маскве сустракаўся з міністрам абароны Сербіі, гэта пытанне разглядалася сярод іншых. "Адпаведныя мерапрыемствы ў нас ужо ўнесены ў план супрацоўніцтва з Сербскай Рэспублікай на гэты год", - заўважыў ён. У бліжэйшы час адбудзецца візіт дэлегацыі Сербіі на ваенны факультэт адной з беларускіх навучальных устаноў, плануецца таксама прадстаўнічую дэлегацыю Ваеннай акадэміі Беларусі накіраваць у Сербію для прапрацоўкі такога пытання. "Гэта закладзена ў план на 2015 год", - растлумачыў міністр.

У сваю чаргу дэпутат Мікалай Плаксіцкі спытаў, якім чынам у адпаведнасці з пагадненнем будзе ажыццяўляцца двухбаковае супрацоўніцтва ў галіне правядзення аперацый па падтрыманні міру. Андрэй Раўкоў растлумачыў, што цяпер ва Узброеных Сілах Беларусі ёсць падраздзяленні (міратворчая рота), прызначаныя для выканання міратворчых задач, калі гэтага запатрабуе міжнародная абстаноўка. "Падрыхтоўка гэтай роты звязана з тым, што мы выкарыстоўваем той вопыт, які ёсць у свеце. А 50-гадовы вопыт Сербіі ў гэтым пытанні дасць магчымасць даволі рэзультатыўна яго пераймаць і выкарыстоўваць у практычнай дзейнасці. Таксама гэта дасць магчымасць рыхтаваць нашы падраздзяленні для магчымага (у перспектыве) удзелу ў міратворчых аперацыях пад эгідай ААН", - сказаў кіраўнік ведамства.

На пасяджэнні дэпутаты таксама прынялі ў першым чытанні папраўкі ў некаторыя законы па пытаннях удасканалення сістэмы органаў пракуратуры. Дакумент мае тэхнічны характар і падрыхтаваны ў сувязі з ліквідацыяй ваенных пракуратур і Беларускай транспартнай пракуратуры.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс