Падзеі

Беларускаму грамадскаму аб'яднанню спажыўцоў прадастаўлены спецыяльны статус пры ЭКАСАС ААН

Фота з архiва

13 кастрычніка, Мінск /Кар. БЕЛТА/. Беларускаму грамадскаму аб'яднанню спажыўцоў прадастаўлены спецыяльны кансультатыўны статус пры Эканамічным і сацыяльным савеце ААН, паведамілі БЕЛТА ў прэс-службе МАРГ.

"У адпаведнасці з рашэннем Эканамічнага і сацыяльнага савета арганізацыі Аб'яднаных Нацый (Е/2023/32 (Part III)), прынятага ў час сесіі 2023 года беларускаму грамадскаму аб'яднанню "Рэгіянальнае таварыства абароны спажыўцоў" прадастаўлены спецыяльны кансультатыўны статус пры Эканамічным і сацыяльным савеце Арганізацыі Аб'яднаных Нацый", - адзначылі ў прэс-службе.

МАРГ з'яўляецца рэгулюючым і каардынуючым дзяржаўным органам у сферы абароны правоў спажыўцоў. У ведамстве лічаць прысваенне спецыяльнага статусу грамадскаму аб'яднанню "Рэгіянальнае таварыства абароны спажыўцоў" сведчаннем прызнання міжнароднай супольнасцю вопыту краіны ў развіцці інстытутаў абароны правоў спажыўцоў.

версія для друку

зрабіць стартавай

дабавіць у выбранае