Падзеі

23 лістапада, Мінск /Кар. БЕЛТА/. Дэлегацыя Беларусі на чале з намеснікам старшыні Савета Рэспублікі Нацыянальнага сходу Мар'янай Шчоткінай правяла шэраг сустрэч у АБСЕ па пытаннях гендарнай праблематыкі, паведамілі БЕЛТА ў пасольстве Беларусі ў Аўстрыі.

У пасольстве расказалі, што з 22 па 25 лістапада беларуская дэлегацыя, у склад якой увайшлі дэпутаты і прадстаўнікі міністэрстваў і ведамстваў, знаходзіцца ў Вене з рабочым візітам па абмене вопытам у гендарнай сферы. Візіт арганізаваны БДІПЧ АБСЕ пры рэалізацыі сумеснага з Беларуссю праекта па гэтай праблематыцы і сфакусіраваны на вывучэнні вопыту ў сферы прымянення гендарнага падыходу да заканатворчасці і фарміравання бюджэту.

Беларускі бок правёў ужо сустрэчы з дэлегацыямі Аўстрыі, Фінляндыі і Швецыі ў АБСЕ, а таксама прадстаўнікамі Сакратарыята і БДІПЧ АБСЕ. У час перагавораў адбыўся абмен думкамі па актуальных пытаннях забеспячэння роўнасці мужчын і жанчын на нацыянальным і міжнародным узроўні. Асаблівая ўвага была ўдзелена ролі развіцця заканадаўства ў гэтым напрамку.

У час візіту беларуская дэлегацыя таксама плануе сустрэцца з прадстаўнікамі выканаўчай і заканадаўчай улады Аўстрыі.