Падзеі

Беларуская дэлегацыя на чале з Каранкевічам прысутнічала на інаўгурацыі Нікаласа Мадуры

Скрыншот відэа ТАСС

10 студзеня, Мінск /Кар. БЕЛТА/. Беларуская дэлегацыя на чале з намеснікам прэм'ер-міністра Віктарам Каранкевічам прысутнічала на ўрачыстай цырымоніі інаўгурацыі Прэзідэнта Венесуэлы Нікаласа Мадуры. Аб гэтым карэспандэнту БЕЛТА паведаміў прэс-сакратар МЗС Беларусі Анатоль Глаз.

Нікалас Мадура Морас трэці раз уступіў на пасаду прэзідэнта Венесуэлы. Ён атрымаў перамогу на прэзідэнцкіх выбарах 28 ліпеня 2024 года. За яго прагаласавалі 51,95 працэнта выбаршчыкаў.

У цырымоніі прымалі ўдзел прэзідэнты, міністры, парламенцкія дэлегацыі і прадстаўнікі больш як 30 замежных дзяржаў.

Прэзідэнт Венесуэлы падзякаваў кіраўнікам дэлегацый за праяўленую салідарнасць з венесуэльскім народам і выступіў з прамовай.

У ходзе візіту беларускай дэлегацыі запланавана правядзенне шэрага двухбаковых сустрэч з прадстаўнікамі кіраўніцтва краіны, міністэрстваў і ведамстваў Венесуэлы па актуальных пытаннях палітычнага і гандлёва-эканамічнага супрацоўніцтва, маючых узаемную цікавасць.

версія для друку

зрабіць стартавай

дабавіць у выбранае